دعوت بھی اور دھمکی بھی۔۔ رانا ثنا کا عمران خان کو اسلام آباد بلانے کا شاعرانہ انداز

ہماری ویب  |  Oct 05, 2022

وفاقی وزیر داخلہ رانا ثنااللہ نے اسلام آباد میں لانگ مارچ اور دھرنے کے حوالے سے سابق وزیر اعظم عمران خان کے اعلان پر شاعرانہ انداز میں دعوت دیتے ہوئے سخت نتائج کی دھمکی دی ہے۔

اپنے ایک ٹوئٹر پیغام میں رانا ثنا اللہ کا کہنا ہے کہ "تم آؤ تو سہی، چھپ کر نہ بیٹھ جانا، اسلام آباد پر چڑھائی کرکے دکھاؤ۔ میرا بھی تم سے وعدہ ہے۔

تحریک انصاف کے سربراہ اور سابق وزیراعظم عمران خان گزشتہ کئی ہفتوں سے اپنے کارکنوں کو اسلام آباد کی طرف لانگ مارچ اور دھرنے کیلئے تیاریوں کی ہدایات دے رہے ہیں۔

پی ٹی آئی کے اسلام آباد میں مارچ کے حوالے سے وفاقی حکومت نے بھی تیاریاں مکمل کرلی ہیں جبکہ وفاقی وزیر داخلہ رانا ثناء اللہ سابق وزیراعظم عمران خان کو مسلسل وارننگ دے رہے ہیں۔

وفاقی حکومت نے اسلام آباد میں سیکورٹی سخت کرنے کے ساتھ ساتھ صوبوں سے بھی پولیس منگوالی ہے جبکہ پاک فوج کی تعیناتی کا بھی امکان ہے۔

اپنے حالیہ ٹوئٹر پیغام میں بھی وزیرداخلہ رانا ثناء اللہ عمران خان کو متنبہ کررہے ہیں کہ اسلام آباد پر چڑھائی کے سنگین نتائج برآمد ہونگے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More