اجے دیوگن کی فلم ’درشیام 2‘ باکس آفس پر کامیاب، 76 کروڑ روپے کما لیے

اردو نیوز  |  Nov 22, 2022

بالی وُڈ سپر سٹار اجے دیوگن کی نئی ریلیز ہونے والی فلم 'درشیام 2' باکس آفس پر چھا گئی ہے۔

تجسس سے بھرپور فلم ’درشیام 2‘ نے اپنی ریلیز کے چوتھے دن ہی 76 کروڑ روپے کا کاروبار کرلیا ہے۔

فلم ’درشیام 2‘ رواں ماہ کی 18 تاریخ کو ریلیز کی گئی ہے جو کاروبار کے حوالے سے شاندار آغاز کرچکی ہے۔

فلم نے ریلیز کے پہلے دن باکس آفس پر 15 کروڑ روپے کی اوپننگ کی تھی۔

فلموں کے کاروبار کے تجزیہ کار ترن آدرش نے سماجی رابطوں کی ویب سائٹ ٹوئٹر پر لکھا کہ ’درشیام 2 اپنی جیت کے سفر پر گامزن ہے، اپنی ریلیز کے چوتھے دن بھی ٹرینڈ کر رہی ہے۔ فلم نے 75 کروڑ سے زیادہ کما لیا ہے جبکہ 100 کروڑ کی طرف بھاگ رہی ہے۔'

ترن آدرش کے مطابق فلم نے جمعے کے روز 15 کروڑ، سنیچر کے روز 21 کروڑ، اتوار کے روز 27 کروڑ جب کہ سوموار کے روز 11 کروڑ روپے کمائے ہیں۔

#Drishyam2 continues its VICTORIOUS RUN… Trends EXCEPTIONALLY WELL on Day 4 [Mon]… Hits double digits... Crosses ₹ 75 cr… Racing towards ₹cr… #D2 is NOT slowing down soon… Fri 15.38 cr, Sat 21.59 cr, Sun 27.17 cr, Mon 11.87 cr. Total: ₹ 76.01 cr. #India biz. pic.twitter.com/zvLDBp1EUY

— taran adarsh (@taran_adarsh) November 22, 2022

فلم ’درشیام 2‘ 2015 میں ریلیز ہونے والی اجے دیوگن کی سپر ہٹ فلم ’درشیام‘ کا سیکوئل ہے۔

سنہ  2015 میں ریلیز ہونے والی درشیام فلم 2013 میں ریلیز ہونے والی ملیالم فلم درشیام کا ہندی ریمیک تھی، یہ فلم بھی 2021 میں ملیالم درشیام 2 کا ریمیک ہے۔

فلم ’درشیام 2‘ کی کہانی وجے سلگاؤںگر نامی ایک شخص کے گرد گھومتی ہے جو اپنی فیملی کو جرم میں ملوث ہونے سے بچاتا ہے۔

فلم ’درشیام 2‘ میں اجے دیوگن، اکشے کھنا، تبو اور شریا شرن مرکزی کردار ادا کر رہے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More