اسحاق ڈار کا ملک میں چینی کی دستیابی اور پیداوار پر اطمینان کا اظہار

ہم نیوز  |  Dec 01, 2022

وزیر خزانہ اسحاق ڈار نے ملک میں چینی کی دستیابی اور پیداوار پر اطمینان کا اظہار کیا ہے۔

وزیر خزانہ اسحاق ڈار کی زیر صدارت اجلاس ہوا جس میں ملک میں چینی کی طلب اور رسد کی صورتحال کا جائزہ لیا گیا۔

اجلاس کو بریفنگ میں بتایا گیا کہ ملک میں چینی کا وافر ذخیرہ موجود ہے،سندھ اور پنجاب میں شوگر ملوں نے گنے کی کرشنگ شروع کر دی ہے۔

بریفنگ میں بتایا گیا کہ سیلاب کےباعث سندھ میں چینی کی پیداوار گزشتہ سال کےمقابلے میں کم رہے گی۔

اس موقع پر اسحاق ڈار نے ملک میں چینی کی دستیابی اور پیداوار پر اطمینان کا اظہار کیا اور چینی کے اسٹریٹجک ذخائر اور قیمتیں برقرار رکھنے پر زور دیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More