انسان جتنا بھی پریشان ہو، اسے پاک بھارت ٹاکرا دیکھ کر خوشی محسو ہوتی ہے۔ اور پھر بات پاک بھارت میچ کی ہو تو پورا ملک ایک زبان ہو کر قومی ٹیم کی جیت کی دعا کرتی ہے کیونکہ بچپن سے ہم جانتے ہیں کہ بھارت ہمارا پڑوسی ملک ہونے کے ساتھ ساتھ روایتی حریف بھی ہے۔
اب اسی وجہ سے آئی سی سی نے ٹی ٹوئنٹی ورلڈکپ 2024 کیلئے ان دونوں ٹیموں کا بڑا میچ کس ملک میں کروانا ہے اس بات کا فیصلہ کر لیا ہے۔ یہ عصاب شکن میچ امریکا میں ہی ہوگا۔
کہا یہ بھی جا رہا ہے کہ یہ میچ امریکی ریاست فلوریڈا میں ہو گا۔ اس حوالے سے یو ایس اے کرکٹ کے صدر کا کہنا ہے کہ بھارت و پاکستان کو امریکا میں کراؤڈ سپورٹ بہت ہے۔ اور یہاں یہ معرکہ باکس آفس رہے گا۔
یہی نہیں میڈیا رپورٹس کے مطابق بھی یہ اہم میچ امریکا میں ہی کرائے جانے کی امید ظاہر کی جا رہی ہے۔ واضح رہے کہ ویسٹ انڈیز اور امریکا مشترکہ طور پر آئی سی سی ٹی ٹوئنٹی ورلڈ کپ 2024 کے میزبان ہیں۔