بھارتی کرکٹ ٹیم کے نائب کپتان کے ایل راہول نے گزشتہ روز کھنڈالہ میں بالی ووڈ اسٹار سنیل شیٹھی کی بیٹی اتھیا شیٹی سے شادی کرلی ہے تاہم کے ایل راہل واحد کرکٹر نہیں ہیں جنہوں نے حال ہی میں شادی کی۔
پاکستانی کرکٹرز حارث رؤف، شان مسعود اور شاداب خان نے بھی 2023 میں شادی کی ہے اور بھارتی آل راؤنڈر اکشر پٹیل 26 جنوری کو شادی کے بندھن میں بندھ جائیں گے۔
شان مسعود اور نیشے خان
پاکستان کے نوجوان بلے باز شان مسعود نے گزشتہ ہفتے اپنی دیرینہ دوست نیشے خان سے شادی کی۔
حارث رؤف اور مزنا مسعود ملک
پاکستانی فاسٹ بولر حارث رؤف نے گزشتہ ماہ اسلام آباد میں ماڈل مزنا مسعود ملک سے شادی کی۔
شاداب خان اور ثقلین مشتاق کی بیٹی
پاکستان کرکٹ ٹیم کے اسٹار آل راؤنڈر شاداب خان نے پیر 23 جنوری کو ثقلین مشتاق کی بیٹی کے ساتھ نکاح کیا۔
کے ایل راہول اور اتھیا شیٹی
ٹیم انڈیا کے نائب کپتان کے ایل راہول نے پیر23 جنوری کو کھنڈالہ میں بالی ووڈ اسٹار اتھیا شیٹی سے شادی کی، اس تقریب میں مہمانوں کو کھانا پلیٹوں میں نہیں دیا گیا بلکہ روایتی انداز میں مہمانوں کی تواضع کی گئی جبکہ مہمانوں کو فون ساتھ لانے کی اجازت بھی نہیں دی گئی۔
اکشر پٹیل اور میہا
بھارتی ٹیم کے آل راؤنڈر اکشر پٹیل اپنی منگیتر میہا سے 26 جنوری کو شادی کریں گے۔ اکشر پٹیل کو ان کی ذاتی مصروفیات کی وجہ سے بی سی سی آئی نے بریک دیا ہے۔