مشہور اداکاروں کی زندگی میں ایسے کئی معاملات ہوتے ہیں جو کہ سب کو حیران تو کر ہی دیتے ہیں ساتھ ہی توجہ بھی حاصل کر لیتے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر مشہور اداکار سنی دیول سے متعلق بھی ایسی ہی خبر وائرل ہے، جس میں ان کے اور والد کے درمیان ہونے والی دوریاں تو سب کی توجہ حاصل کر ہی گئیں ساتھ ہی ہیما مالنی سے ان کی لڑائی بھی وائرل ہو گئی تھی۔
سنی دیول ویسے تو بہت کم اپنے جذبات کا اظہار کرتے ہیں، لیکن وہ اپنے والد کو دیکھ کر جذباتی ضرور ہو جاتے ہیں، والد سے بے انتہا محبت کرنے والے سنی دیول والد کے بے حد مشکور بھی دکھائی دیتے ہیں۔
جبکہ اپنی ہر کامیابی میں والد کو کریڈیٹ دیتے اور انہیں بڑی سپورٹ قرار دیتے ہیں، ساتھ ہی دھرمیندر بھی اپنے بچے سے بے انتہا محبت کرتے ہیں۔
لیکن اس وقت دھرمیندر شدید پریشانی میں مبتلا ہو گئے تھے جب انہوں نے سنی دیول کی والدہ پرکاش کور کو چھوڑ کر اداکارہ ہیما مالنی سے شادی کا فیصلہ کیا۔ اس فیصلے نے سنی دیول اور بابی دیول کو والد سے کچھ حد تک بدضن تو کیا ہی تھا، ساتھ ہی ہیما مالنی کے خلاف بھی کر دیا تھا۔
بھارتی سوشل میڈیا کے مطابق سنی دیول اپنی والدہ پرکاش کور کی تکلیف اور پریشانی کو دیکھ نہیں پا رہے تھے، وہ اس حد تک پریشان تھے کہ والد تک سے اس بارے میں بات کی۔
غصے سے بھرے سنی دیول ہیما مالنی کے پاس گئے اور ان سے اس بات کا بھی اظہار کر دیا ہے کہ آپ میرے والد کو ہم سے چھین رہی ہیں۔
لیکن دوسری جانب سنی دیول کی والدہ پرکاش کور اس واقعے کو محض قیاس آرائی قرار دیتی ہیں، جبکہ دھرمیندر ان دنوں شدید ڈپریشن کا شکار تھے جب ہیما مالنی ان کی
زندگی میں دوسری اہلیہ کے طور پر آئیں کیونکہ سنی دیول اور بابی دیول والد سے نالاں تھے، تاہم والد نے بچوں اور پہلی اہلیہ کو یقین دلایا تھا کہ وہ ان کی دیکھ بھال اور خیال میں کوئی کمی نہیں آئے گی۔