ون ڈے رینکنگ، بابر اعظم کی پہلی پوزیشن برقرار

ہم نیوز  |  Jan 25, 2023

دبئی: انٹرنیشنل کرکٹ کونسل (آئی سی سی) کی نئی ون ڈے ریکنگ میں قومی کرکٹ ٹیم کے کپتان بابر اعظم کی پہلی پوزیشن برقرار ہے۔

آئی سی سی کی جاری کردہ رینکنگ کے مطابق کپتان بابر اعظم 887 پوائنٹس کے ساتھ بیٹنگ رینکنگ میں پہلے نمبر پر براجمان ہیں جبکہ 766 پوائنٹس کے ساتھ دوسرے نمبر پر جنوبی افریقہ کے رسی وین ڈر ڈوسن اور تیسری پوزیشن پر 759 پوائنٹس کے ساتھ جنوبی افریقہ کے ہی کوئنٹن ڈی کوک ہیں۔

آسٹریلیا کے ڈیوڈ وارنر 747 پوائنٹس کے ساتھ چوتھی اور پاکستان کے امام الحق 740 پوائنٹس کے ساتھ پانچویں پوزیشن پر موجود ہیں۔ بھارت کے شبھمن گل نے چھٹی پوزیشن پر جگہ بنا لی اور بھارت کے ہی ویرات کوہلی ایک درجے تنزلی کے بعد ساتویں نمبر پر چلے گئے۔

یہ بھی پڑھیں: 

باؤلنگ رینکنگ میں بھارت کے محمد سراج پہلے نمبر پر پہنچ گئے جبکہ آسٹریلیا کے جوش ہیزل ووڈ دوسری اور نیوزی لینڈ کے ٹرینٹ بولٹ تیسری پوزیشن پر موجود ہیں۔

آل راؤنڈرز کی رینکنگ میں بنگلہ دیش کے شکیب الحسن پہلے نمبر پر ہیں جبکہ افغانستان کے محمد نبی کے پاس دوسری پوزیشن ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More