کوئی مشین ہی شعیب اختر کا ریکارڈ توڑ سکتی ہے انسان نہیں، سہیل خان

ہم نیوز  |  Feb 02, 2023

قومی کرکٹ ٹیم کے فاسٹ بولر سہیل خان نے کہا ہے کہ کوئی مشین ہی شعیب اختر کا ریکارڈ توڑ سکتی ہے انسان نہیں۔

ایک انٹرویو میں انہوں نے کہا کہ شعیب اختر بہت محنتی کرکٹر تھے، وہ وزن باندھ کر گراونڈ کے چکر لگاتے تھے، وہ ہمیں بھی مشورہ دیتے تھے کہ تگڑے ہو جاؤ۔

انہوں نے کہا کہ بھارت کا فاسٹ بولر عمران ملک اچھا بولر ہے، مگر پاکستان میں 155 کلو میٹر کی اسپیڈ سے بولنگ کرانے والے دس سے پندرہ بولر موجود ہیں۔

سہیل خان نے محمد آصف کو لیجنڈ کرکٹر قرار دیتے ہوئے کہا کہ جہاں وکٹ میں سیم ہوتا تھا وہ بہت خطرناک بولر بن جاتا تھا۔

انہوں نے کہا کہ آصف جیسا بولر ضائع ہو گیا جس کا افسوس ہوتا ہے۔

ان کا کہنا تھا کہ اس وقت شاہین شاہ آفریدی محمد عامر سے بہت اوپر ہے، وہ دن میں 35 اوورز کرتا ہے اور اس کے ساتھ ایک اچھا فیلڈر بھی ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More