شوبز کی دنیا میں کام کرنے والی خواتین کے بارے میں اکثر یہ سمجھا جاتا ہے کہ شائد یہ اداکارائیں گھروں میں بھی ہمیشہ بنی سنوری رہتی ہیں اور گھر کے کاموں کو ہاتھ نہیں لگاتیں لیکن ایسا ہرگز نہیں ہے بلکہ آج ہم آپ کو بتائیں گے کہ یہ خواتین ناصرف گھروں کا کام کرتی ہیں بلکہ شادی کے بعد اہل خانہ کیلئے مزے مزے کے کھانے بھی بناتی ہیں۔ آئیے آپ کو بتائیں کہ بالی ووڈ کی کس اداکارہ نے شادی کے بعد کچن میں سب سے پہلے کیا بنایا۔
کترینہ کیف
دسمبر 2021 میں وکی کوشل سے شادی کرنے والی بالی ووڈ کی باربی ڈول کترینہ کیف اسوقت گھر داری میں مصروف ہیں اور نرم و نازک نظر آنے والی کترینہ کیف نے روایات کے مطابق کچن سنبھالنے کے بعد سب سے پہلے سوجی کا حلوہ بناکر سسرال والوں کو امپریس کیا۔
ہنسیکا موٹوانی
تامل اور تیلگو فلموں کی معروف اداکارہ ہنسیکا موٹوانی بھی پیا گھر سدھار چکی ہیں اور انہوں نے سہیل کٹھوریا سے شادی کے بعد گھر کی ذمہ داریاں بھی سنبھال لی ہیں۔ ہنسیکا نے بھی کچن پر قبضے کے بعد سب سے پہلے سسرال میں حلوہ بنایا۔
کرشمہ تنا
بالی ووڈ کی مشہور اداکارہ کرشمہ تنا اپنے دیرینہ دوست ورون بنگیرا سے شادی کرچکی ہیں اور کرشمہ نے پہلی رسوئی کی رسم میں کھیر بناکر سب کو کھلائی۔
نیتی ٹیلر
انڈین ٹی وی چینلز پر مختلف ڈراموں میں نظر آنے والی نیتی ٹیلرنے بھارتی فوج کے افسر پرکشت باوا سے 2 سال قبل شادی کی اور نیتی ٹیلرنے پہلی بار کچن میں آٹے کا حلوہ بنا کر سسرال والوں کو کھلایا۔
عالیہ بھٹ
اپریل 2022 میں رنبیر کپور کی دلہن بننے والی عالیہ بھٹ نے شادی سے پہلے رنبیر کی سالگرہ پر پائن اپیل کیک بنا کر سسرالی رشتے داروں کو اپنی کوکنگ کی مہارت دکھا دی تھی جبکہ شادی کے بعد سسرال میں کچن سنبھالنے کے بعد عالیہ نے سوجی کا حلوہ بنانے سے شروعات کی۔