بھارت نے 5 سالوں میں 24 ارب ڈالر کے جنگی ہتھیار خرید لیے

ہم نیوز  |  Feb 04, 2023

نئی دہلی: بھارت کا جنگی جنون کم نہ ہوا۔ بھارت نے 5 سالوں میں 24 ارب ڈالر کے جنگی ہتھیار خرید لیے۔

غیر ملکی میڈیا کے مطابق بھارتی وزیر اعظم نریندر مودی کی جنگی جنون کی انتہا گزشتہ 5 سالوں میں اپنی انتہا پر رہی اور مختلف ممالک سے 24 ارب ڈالر کے ہتھیار خریدے گئے۔

بھارتی ڈپٹی وزیر دفاع اجے بھٹ نے پارلیمنٹ میں بتایا کہ گزشتہ 5 برسوں کے دوران امریکہ، روس، فرانس، اسرائیل اور اسپین سمیت دیگر ممالک سے تقریباً 24 ارب  مالیت کے ہیلی کاپٹرز، ایئرکرافٹ ریڈارز، راکٹس، بندوقیں، میزائل اور رائفلز خریدے گئے۔

انہوں نے کہا کہ لڑاکا طیارے، ہیلی کاپٹرز اور جنگی ساز و سامان کی خریداری کے لیے گزشتہ 5 برسوں سے مختلف ممالک کی مختلف کمپنیوں سے 264 معاہدے کیے گئے تھے۔

یہ بھی پڑھیں: 

بھارتی ڈپٹی وزیر کے مطابق بھارتی فوج نے اب زیادہ تر اسلحے کی تیاری کا کام مقامی سطح پر شروع کر دیا ہے اور جس کے تحت 50 سے زائد منصوبوں پر کام جاری ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More