چھوٹا سا بیر قیمت میں سستا ہونے کے باوجود کسی بھی طرح فائدے میں دوسروں پھلوں سے کم نہیں ہے بلکہ بیری کے پتوں کے بھی ایسے فوائد ہیں کہ اگر آپ جان لیں تو کبھی بیری کے پتے بھی نہ پھینکیں۔
بیر کو کئی صدیوں سے استعمال کیا جا رہا ہے نہ صرف اسے کھایا جاتا ہے بلکہ کئی ادویات میں بھی استعمال کیا جاتا ہے ، بیری کے پتے جراثیم کُش قرار دیئے جاتے ہیں اور یہی وجہ ہے کہ موسمی جِلدی بیماریوں سے بچنے کے لیے اکثر اوقات گھر کے بڑے بوڑھوں کی جانب سے مشورہ دیا جاتا ہے کہ سب بیری کے پتوں سے غسل لیں۔بیری کے پتوں کو کپڑوں میں رکھ دیں تو اس میں کبھی بھی کیڑا نہیں لگتا۔
بیر کے درخت سے حاصل ہونے والا شہد جسے بیری کا شہد کہتے ہیں اس میں طبی لحاظ سے بہت سے فوائد ہیں اس کے پتے مال مویشیوں کے چارے کے طور پر استعمال میں لائے جاتے ہیں، بیر کو اقسام کے لحاظ سے دیکھا جائے تو اس کی کئی اقسام ہیں بیر کے چند فوائد دیکھتے ہیں۔ بیر کھانے سے نظام انہضام درست کام کرتا ہے۔ بیر کھانے سے سانس کی نالیوں کی خرابیاں سے محفوظ رہا جا سکتا ہے۔بیر کھانے سے بخار،نزلہ و زکام سے محفوظ رہا جا سکتا ہے۔
بیروں میں قدرت نے وٹامنز اور اینٹی آکسیڈنٹس کا خزانہ چھپا رکھا ہے جبکہ یہ پھل وٹامن سی سے بھرپور ہوتا ہے، بیر کھانے سے جسمانی دفاعی نظام مضبوط ہوتا ہے اور موسمی بیماریوں سے بچاؤ ممکن ہوتا ہے جبکہ اس کے پتوں کو پیس کر چہرے پر لگانے سے داغ دھبے، جھائیاں اور کیل مہاسوں کی شکایت دنوں میں ختم ہو جاتی ہے۔