پلے آف مرحلہ: لاہور قلندرز اور پشاور زلمی آمنے سامنے، میچ میں بارش کا خدشہ

پاکستان سپر لیگ (پی ایس ایل) کے آٹھویں ایڈیشن کے پلے آف مرحلے کے دوسرے ایلیمینیٹر میچ میں دفاعی چیمپیئن لاہور قلندرز کا مقابلہ آج پشاور زلمی سے ہو گا۔

جمعے کے روز قذافی سٹیڈیم لاہور میں کھیلے جانے والے میچ میں جو ٹیم جیتے گی وہ فائنل میں پہنچ جائے گی جبکہ ہارنے والی ٹیم ٹورنامنٹ سے باہر ہو جائے گی۔

لاہور میں وقفے وقفے سے بارش جاری ہے۔ ایلیمینیٹر سے قبل کرکٹ شائقین کے لیے ایک بری خبر سامنے آ رہی ہے کہ میچ بارش سے متاثر ہو سکتا ہے۔

The BIG game is fast approaching…@lahoreqalandars vs @PeshawarZalmi

You ready? #SabSitarayHumaray l #HBLPSL8 l #LQvPZ pic.twitter.com/mYU2KAazFX

— PakistanSuperLeague (@thePSLt20) March 17, 2023

اگر میچ بارش کی وجہ سے بغیر کسی نتیجے کے منسوخ ہو جاتا ہے تو لاہور قلندرز پوائنٹس ٹیبل پر پشاور زلمی سے زیادہ پوائنٹس ہونے کے باعث  فائنل میں پہنچ جائے گی۔

رواں سیزن میں لاہور قلندرز نے سات میچز میں کامیابی حاصل کی جس کے بعد ان کے پوائنٹس کی تعداد 14 ہے جبکہ پشاور زلمی پانچ میچز جیتنے کے بعد 10 پوائنٹس حاصل کر پائی ہے۔

خیال رہے پی ایس ایل میں دونوں ٹیمیں اب تک ایک دوسرے کے ساتھ 17 میچز کھیل چکی ہیں جس میں 10 مرتبہ پشاور زلمی جبکہ 7 مرتبہ لاہور قلندرز نے کامیابی حاصل کی۔