پاکستان کا ایٹمی پروگرام محفوظ ہاتھوں میں ہے، امریکی جنرل

ہم نیوز  |  Mar 19, 2023

واشنگٹن: امریکی سینٹرل کمانڈ سینٹ کام کے کمانڈر جنرل مائیکل ای کوریلا نے کہا ہے کہ پاکستان کا ایٹمی پروگرام محفوظ ہاتھوں میں ہے۔

امریکی کمانڈر جنرل مائیکل ای کوریلا نے امریکی سینیٹ کی آرمز سروسز کمیٹی میں ایک سوال کے جواب میں کہا کہ مجھے پاکستان کے جوہری پروگرام کی سلامتی کے طریقہ کار پر اعتماد ہے۔ انہوں نے سیاسی عدم استحکام اور اقتصادی بحران کے خدشات سے قطع نظر پاکستان کے ایٹمی پروگرام کی محفوظ کمانڈ اور کنٹرول  پر اعتماد کا اظہار کیا ہے۔

انہوں نے کہا کہ میں پاکستان کی فوجی قیادت سے رابطے میں ہوں اور میرے اور پاکستان کے چیف آف آرمی اسٹاف جنرل منیر کے ساتھ بہت اچھے تعلقات ہیں۔

یہ بھی پڑھیں: 

جنرل کوریلا نے کہا کہ پاکستان کے خدشات ان کا بجٹ، موجودہ مالی و سیاسی صورتحال اور انسداد دہشت گردی ہے۔

واضح رہے کہ سینیٹ میں امریکی کمانڈر جنرل سے سوال کیا گیا تھا کہ کیا پاکستان کا ایٹمی پروگرام موجودہ صورتحال میں محفوظ ہاتھوں میں ہے ؟ں جس پر انہوں نے پاکستان کی ایٹمی پروگرام کی حفاظت پر اعتماد کا اظہار کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More