طالبان سربراہ کے لیے نیا چیلنج

ہم نیوز  |  Mar 19, 2023

کابل: افغانستان میں طالبان کے سربراہ کو نیا چیلنج درپیش ہو گیا۔ لڑکیوں کی تعلیم سے متعلق کوئی حتمی فیصلہ نہ ہو سکا۔

غیر ملکی خبر رساں ایجنسی کے مطابق طالبان حکومت کے وزیر داخلہ سراج الدین حقانی نے لڑکیوں کی تعلیم پر پابندی کو عارضی قرار دیتے ہوئے اعلان کیا کہ ملک میں چھٹی جماعت سے آگے لڑکیوں کی تعلیم معطل کرنے کا معاملہ مستقل نہیں بلکہ عارضی ہے۔

انہوں نے کہا کہ تحریک اس بات پر یقین رکھتی ہے کہ اسلام نے مردوں اور خواتین دونوں کے لیے تعلیم حاصل کرنا لازم قرار دیا ہے جبکہ طالبان تعلیم کے تحفظ سمیت افغان عوام کے تمام جائز حقوق کے لیے پرعزم ہیں۔

یہ بھی پڑھیں: 

افغان وزیر داخلہ کی رائے کے بعد محسوس ہوتا ہے کہ افغان حکومت میں لڑکیوں کی تعلیم پر اختلاف پایا جاتا ہے اور کچھ وزرا نے طالبان سربراہ کو ایک خط بھی ارسال کیا ہے جو میں لڑکیوں کی تعلیم اور خواتین کے کام کی پابندی پر نظرثانی کرنے کی درخواست کی گئی ہے۔

البتہ طالبان سربراہ کا مؤقف ہے کہ اگر ثابت کر دیں کہ اسلام 12 سال سے زیادہ عمر کی لڑکیوں کو گھر سے نکلنے کی اجازت دیتا ہے تو میں لڑکیوں کو تعلیم اور کام کرنے کی اجازت دے دوں گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More