پی ایس ایل 8: ملتان سلطانز کو شکست، ٹرافی مسلسل دوسری بار لاہور قلندرز کے نام

اردو نیوز  |  Mar 19, 2023

لاہور قلندرز نے سنسنی خیز مقابلے کے بعد پاکستان سپر لیگ 8 (پی ایس ایل) کے فائنل میں ملتان سلطانز کو ایک رن سے شکست دے کر مسلسل دوسری بار ٹرافی اپنے نام کر لی۔

201 رنز کے تعاقب میں ملتان سلطانز 20 اوورز میں آٹھ وکٹوں کے نقصان پر صرف 199 رنز ہی بنا پایا۔ رائلی روسو 52 اور محمد رضوان 34 رنز کے ساتھ نمایاں رہے۔ لاہور کی جانب سے شاہین شاہ آفریدی نے چار کھلاڑیوں کو آؤٹ کیا۔

ملتان کو آخری اوور میں 13 رنز درکار تھے لیکن زمان خان کی عمدہ بولنگ کی وجہ سے وہ صرف 11 رنز ہی بنا پایا۔

Zaman Khan is just built different#HBLPSL8 | #SabSitarayHumaray | #MSvLQ pic.twitter.com/2V38qNElmg

— PakistanSuperLeague (@thePSLt20) March 18, 2023

سنیچر کو قذاقی سٹیڈیم میں لاہور قلندرز نے ٹاس جیت کر پہلے بیٹنگ کا انتخاب کیا۔ اور عبداللہ شفیق کے 65 اور شاہین شاہ آفریدی کے 44 رنز کی بدولت 20 اوورز میں چھ وکٹوں کے نقصان پر 200 رنز بنائے۔ ملتان کی جانب سے اسامہ میر نے تین وکٹیں حاصل کیں۔

فائنل مقامی وقت کے مطابق شام سات بجے شروع ہونا تھا لیکن ایک فلڈ لائٹ کے بند ہونے کی وجہ سے میچ تقریباً 15 منٹ کی تاخیر سے شروع ہوا۔

ملتان سلطانز کی اننگز201 رنز کے بڑے ہدف کے تعاقب میں ملتان سلطانز کے اوپنرز نے عمدہ آغاز کیا۔ محمد رضوان اور عثمان خان نے شاہین شاہ آفریدی کو آڑے ہاتھوں لیا اور شاندار چوکے لگائے۔

Boundaries crunched!

Rapid start for @MultanSultans #HBLPSL8 | #SabSitarayHumaray | #MSvLQ pic.twitter.com/Z3a44Tjayo

— PakistanSuperLeague (@thePSLt20) March 18, 2023

شاہین کو اپنے پہلے دو اوورز میں ہی 34 رنز پڑ گئے۔ اس مرحلے میں بولنگ کے لیے ڈیوڈ ویزے آئے اور عثمان خان کو بولڈ کر کے قلندرز کو پہلا بریک تھرو دلایا۔

WOW WIESE

Middle-stump ripped #HBLPSL8 | #SabSitarayHumaray | #MSvLQ pic.twitter.com/ln8Zf7DGFO

— PakistanSuperLeague (@thePSLt20) March 18, 2023

ون ڈاؤن پوزیشن پر رائلی روسو آئے اور لاہور کے بولرز کو خوب پیٹا۔ انہوں نے رن ریٹ نہ گرنے دیا اور 30 گیندوں پر سات چوکوں اور دو چھکوں کی مدد سے اپنی نصف سینچری مکمل کی۔ ان کی محمد رضوان کے ساتھ 64 رنز کی شراکت داری بھی بنی۔

Ridiculous Rilee is batting on another level! #HBLPSL8 | #SabSitarayHumaray | #MSvLQ pic.twitter.com/xIBQdIVpIX

— PakistanSuperLeague (@thePSLt20) March 18, 2023

روسو کی جارحانہ اننگز کو راشد خان نے بریک لگایا اور انہیں بولڈ کر دیا۔

.@rashidkhan_19 - Genius at work! #HBLPSL8 | #SabSitarayHumaray | #MSvLQ pic.twitter.com/4tyCHZeB6J

— PakistanSuperLeague (@thePSLt20) March 18, 2023

راشد خان نے اپنے آخری اوور میں قلندرز کو ملتان سلطانز کو ایک بڑا جھٹکا دیا اور محمد رضوان کو آؤٹ کر دیا۔ ڈیوڈ ویزے نے باؤنڈری پر ان کا شاندار کیچ پکڑا۔

WIESE MURSHAD #HBLPSL8 | #SabSitarayHumaray | #MSvLQ pic.twitter.com/TiKIuJfFMo

— PakistanSuperLeague (@thePSLt20) March 18, 2023

شاہین شاہ آفریدی جنہیں ملتان کے ساتھ آخری میچ میں کیرن پولارڈ نے ایک اوور میں تین چھکے مارے تھے، میچ کے 16 ویں اوور میں دونوں کا پھر ٹاکرا ہو گیا۔ پولارڈ نے پہلے انہیں چوکا لگایا لیکن اس سے اگلی گیند پر شاہین نے انہیں کیچ آؤٹ کر دیا۔

Safe hands

In @FakharZamanLive, @lahoreqalandars trust#HBLPSL8 | #SabSitarayHumaray | #MSvLQ pic.twitter.com/NCKg5AYaUG

— PakistanSuperLeague (@thePSLt20) March 18, 2023

شاہین شاہ آفریدی جنہوں نے اپنی بیٹنگ سے ٹیم کو مشکل سے نکالا تھا، بولنگ میں بھی ملتان کے لوئر آرڈر پر قہر بن کر ٹوٹے۔ انہوں نے اپنے آخری اوور میں پہلے خطرناک بلے باز ٹم ڈیوڈ کو کیچ آؤٹ کیا اور پھر پانچویں اور چھٹی گیند پر انور علی اور اسامہ میر کو پویلین بھیج دیا۔

EAGLEᵀᴹ

You can never write him off #HBLPSL8 | #SabSitarayHumaray | #MSvLQ pic.twitter.com/KwGAZdN7P2

— PakistanSuperLeague (@thePSLt20) March 18, 2023

ملتان سلطانز کو آخری دو اوورز میں 35 رنز درکار تھے اور وکٹ پر خوشدل شاہ اور عباس آفریدی موجود تھے۔ 19 واں اوور حارث رؤف نے کروایا جو ان کے لیے ایک بھیانک خواب ثابت ہوا۔ پہلے خوشدل شاہ نے انہیں چھکا لگا کر ملتان کی دم توڑتی امیدوں کو جلا بخشا اور پھر باقی کسر عباس نے نکال دی۔ انہوں نے حارث کو ایک چھکا اور دو چوکے لگائے۔ اور اوور میں 22 رنز سمیٹے۔

آخری اوور میں اب صرف 13 رنز درکار تھے اور فتح ملتان سے زیادہ دور نہیں تھی لیکن دونوں کے درمیان زمان خان آ گئے اور فائنل لاہور کو جتا دیا۔ آخری گیند پر چار رنز درکار تھے لیکن خوشدل شاہ صرف دو رنز ہی بنا پائے اور تیسرے رن کی کوشش میں رن آؤٹ ہو گئے۔

لاہور قلندرز کی اننگزلاہور کی جناب سے مرزا طاہر اور فخر زمان نے اننگز کا آغاز کیا۔ مرزا جن کی عمدہ بیٹنگ کی وجہ سے قلندرز فائنل تک پہنچنے میں کامیاب ہوئی، آج بھی انہوں نے عمدہ آغاز کیا اور بہترین شارٹس کھیلے۔ جبکہ دوسری جانب فخر زمان ملتان سلطانز کے پیسرز کے سامنے دبے دبے نظر آئے۔

احسان اللہ جن کی پیس اور بہترین بولنگ نے ملتان سلطانز کو فائنل میں پہنچانے میں اہم کردار ادا کیا، آج بھی اپنے پہلے اوور میں لاہور قلندرز کے اوپنرز کے لیے درد سر بنے رہے۔  مرزا بیگ ان کی ایک شارٹ پچ گیند کھیلنے کی کوشش میں کیچ تھما بیٹھے، انہوں نے پانچ چوکوں اور ایک چھکے کی مدد سے 30 رنز بنائے۔

Trademark celebration

Ihsanullah is pumped! #HBLPSL8 | #SabSitarayHumaray | #MSvLQ pic.twitter.com/Cz995gd4Bi

— PakistanSuperLeague (@thePSLt20) March 18, 2023

فخر زمان گزشتہ تین میچوں کی طرح آج بھی ابتدا میں جدوجہد کرتے نظر آئے لیکن بعد میں انہوں نے عمدہ شارٹس کھیلیں۔ ان کے اور عبداللہ شفیق کے درمیان 57 رن کی شراکت داری بنی۔ ایک وقت میں لاہور قلندرز مضبوط پوزیشن میں نظر آ رہا تھا لیکن پھر محمد رضوان سپنرز کو لے آئے اور مومینٹم سلطانز کے حق میں ہو گیا۔

اسامہ میر نے اپنے پہلے ہی اوور میں فخر زمان کو پویلین روانہ کر دیا وہ 34 گیندوں پر 39 رنز بنا کر آؤٹ ہوئے۔

Usman Usama

A much-needed wicket for Multan Sultans #HBLPSL8 | #SabSitarayHumaray | #MSvLQ pic.twitter.com/KCS6IRTomT

— PakistanSuperLeague (@thePSLt20) March 18, 2023

لاہور قلندرز کے تیسرے آؤٹ ہونے والے کھلاڑی سیم بلنگز تھے وہ صرف نو رنز بنا کر اسامہ میر کی گیند پر بولڈ ہوئے۔ اس سے اگلی ہی گیند پر اسامہ نے احسن حفیظ کو صفر پر ایل بی ڈبلیو کر دیا۔

SPINNERS DOMINATION! #HBLPSL8 | #SabSitarayHumaray | #MSvLQ pic.twitter.com/pJy4dOxvBY

— PakistanSuperLeague (@thePSLt20) March 18, 2023

پانچویں آؤٹ ہونے والے کھلاڑی سکندر رضا تھے وہ صرف ایک رن بنا پر خوشدل شاہ کی گیند پر بولڈ ہو گئے۔

پانچ وکٹیں گرنے کے بعد یوں لگ رہا تھا کہ شاید لاہور 150 رنز بھی نہ بنا سکے، لیکن پھر شاہین شاہ آفریدی نے دباؤ کے اس مرحلے میں ڈیوڈ ویزے کی جگہ خود آنے کا فیصلہ کیا، اور پھر سب کچھ قلندرز کے حق میں ہو گیا۔

شاہین شاہ آفریدی نے نہائیت جارحانہ انداز اپنایا اور ملتان کے بولرز پر خوب لاٹھی چارج کیا۔ انہوں نے 15 گیندوں پر پانچ چھکوں اور دو چوکوں کی مدد سے 44 رنز ناٹ آؤٹ بنائے۔

"Paglo Rulao Gy Kia" @iShaheenAfridi

Watch the Special Celebrations in the Dressing Room#QalandarHum #Qalandarscity #HBLPSL8 #SabSitarayHumaray #LQvsMS pic.twitter.com/muguWHCyJW

— Lahore Qalandars (@lahoreqalandars) March 18, 2023

ان کی عبداللہ شفیق کے ساتھ 29 گیندوں پر 66 رنز کی شراکت داری بھی بنی۔ عبداللہ نے بھی شاہین کا خوب ساتھ نبھایا اور خوبصورت شارٹس کھیلے۔ وہ 40 گیندوں پر 65 رنز بنا کر انور علی کی گیند پر کیچ آؤٹ ہوئے۔

.@imabd28 packed quite a punch in his cracking half-century #HBLPSL8 | #SabSitarayHumaray | #MSvLQ pic.twitter.com/RoGdAZknTz

— PakistanSuperLeague (@thePSLt20) March 18, 2023

دونوں ٹیموں نے اپنی پلیئنگ الیون میں کوئی تبدیلی نہیں کی اور اپنا وننگ کمبنیشن برقرار رکھا۔

مزید خبریں

تازہ ترین خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More