فلسطین میں فٹ بال میچ کے دوران اسرائیلی فورسز کا حملہ

ہم نیوز  |  Apr 01, 2023

اسرائیلی فورسز نے فلسطین میں جاری ایک فٹ بال میچ کے دوران آنسو گیس اور شیلنگ سے حملہ کر دیا۔

غیر ملکی خبر رساں ادارے کی رپورٹ کے مطابق اسرائیلی فورسز نے گزشتہ رات فیصل الحسینی انٹرنیشنل اسٹیڈیم میں گھس کر گراونڈ اور اسٹینڈز پر آنسو گیس کی شیلنگ کی جس کی وجہ سے فائنل میچ کو فوری روک دیا گیا ۔

رپورٹ کے مطابق بظاہر معلوم ہوتا ہے کہ اسرائیلی حملہ بلا اشتعال تھا۔ رات 10 بجے کے قریب دو اسرائیلی بکتر بند گاڑیاں اسٹیڈیم میں داخل ہوئیں۔

فوجی گاڑیوں سے باہر نکلے اور ایک دیوار کے پیچھے سے آنسو گیس فائر کرنے لگے۔ شدید شیلنگ سے گراونڈ میں موجود خواتین اور بچے زیادہ متاثر ہوئے۔

بعد ازاں کھلاڑیوں اور شائقین کو فوری طبی امداد فراہم کی گئی.

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More