سوشل میڈیا کی طاقت، پینٹاگون پر دھماکہ؟ جعلی تصویر نے امریکی اسٹاک ایکسچینج ہلا کر رکھ دیا

واشنگٹن: امریکی پینٹاگون میں دھماکے کی جعلی تصویر نے محض چند گھنٹوں میں امریکی اسٹاک ایکسچینج کو ہلا کر رکھ دیا، امریکی حکام اور سرمایہ کاروں نے تصویر جعلی ہونے پر  اپنا سر پکڑ لیا۔

مؤقر نشریاتی ادارے ایجنسی فرانس کے مطابق تصویر اس بڑے پیمانے پر سوشل میڈیا پہ وائرل ہوئی کہ امریکی محکمہ دفاع کو اس حوالے سے باقاعدہ تردیدی بیان بھی جاری کرنا پڑ گیا۔

نشریاتی ادارے کے مطابق یہ تصویر جسے متعدد مبصرین نے مصنوعی ذہانت کی تخلیق کا نتیجہ قرار دیا ہے، نے ایک مرتبہ پھر ان مسائل پر روشنی ڈالی دی ہے جو جدید ٹیکنالوجی سے معاشرے کو لاحق کر سکتے ہیں۔

With multiple news sources reporting it as real, the S&P 500 fell 30 points in minutes.

This resulted in a $500 billion market cap swing on a fake image.

It then rebounded once the image was…

— The Kobeissi Letter (@KobeissiLetter) May 22, 2023

سوشل میڈیا پر وائرل ہونے والی تصویر کو  بہت سے اکاؤنٹس نے بھی رپورٹ کیا جس پر مجبور ہو کر پینٹاگون کو باضابطہ طور پر تردیدی بیان جاری کرنا پڑا کہ ہمارے ارد گرد کسی قسم کا کوئی دھماکہ نہیں ہوا ہے۔

مصنوعی ذہانت کا رجحان، 30 کروڑ  نوکریاں جانے کا خدشہ

خبر رساں ادارے کے مطبق امریکہ کے محکمہ دفاع کے ترجمان نے کہا کہ ہم اس بات کی تصدیق کر سکتے ہیں کہ یہ جھوٹی خبر ہے اور پینٹاگون پر آج کوئی حملہ نہیں ہوا۔

عالمی خبر رساں ایجنسی کے مطابق کی جانے والی تحقیقات سے معلوم ہوا ہے کہ تصویر شائع کرنے والی پہلی ٹویٹ کیو اینون کی تشہیر کرنے والے اکاؤنٹ کی تھی، اس نے سب سے پہلے گمراہ کن معلومات شائع کیں۔

پینٹاگون پر دھماکے کی جعلی تصویر کی وجہ سے امریکی اسٹاک مارکیٹ میں سب سے پہلے منفی اثرات مرتب ہوئے اور کمی ریکارڈ کی گئی کیونکہ ایس اینڈ پی 500 انڈیکس نے جمعہ کو بند ہونے والی قیمت کے مقابلے میں ایک چوتھائی فیصد قیمت کھو دی تھی۔

واضح رہے کہ جعلی تصویر اسی طرح کی دوسری تصاویر کے بعد سامنے آئی جو انٹرنیٹ پر بڑے پیمانے پر گردش کر رہی تھی جن میں پولیس افسران کو سابق صدر ڈونلڈ ٹرمپ کو گرفتار کرتے ہوئے دکھایا گیا تھا جب کہ ایک اور ایسی جعلی تصویر میں پوپ فرانسس کو سفید کوٹ پہنے ہوئے دکھایا گیا تھا۔

پاکستان، مصنوعی ذہانت کی پہلی قومی پالیسی تیار، منظوری وفاقی کابینہ دے گی

ماہرین کے مطابق مصنوعی ذہانت پیدا کرنے کی تکنیک کی وجہ سے عام لوگ بھی اب لمحات میں جعلی تصاویر بنا سکتے ہیں لیکن اس کے لیے جعلی تصویر بنوانے والے کو فوٹو شاپ جیسے پروگراموں میں مہارت جیسی ضروریات پوری کرنا ہوتی ہیں۔