بھارتی کرکٹ بورڈ نے پی سی بی کی تجویز پر ہائبرڈ ماڈل کے تحت کھیلنے سے انکار کر دیا ہے۔
بھارتی میڈیا کا کہنا ہے کہ بی سی سی آئی ہائبرڈ ماڈل پر کھیلنے کے لیے راضی نہیں ہوا اور کرکٹ بورڈ کی جانب سے ہائبرڈ ماڈل ماننے والی خبروں کی تردید کی گئی ہے۔
بھارتی میڈیا کے مطابق بی سی سی آئی ایشیا کپ کو کسی ایک نیوٹرل مقام پر شفٹ کرنا چاہتا ہے، بھارتی بورڈ کی خواہش ہے کہ ٹورنامنٹ کو سری لنکا منتقل کیا جائے۔
یاد رہے کہ اس سے قبل میڈیا پر خبریں زیر گردش تھیں کہ بھارت پاکستان کی ہائبرڈ ماڈل کی تجویز مان گیا ہے لیکن اب بھارتی میڈیا کا کہنا ہے کہ بی سی سی آئی نے ان خبروں کی تصدیق نہیں کی ہے۔