پاکستانی گلوگار اور پاکستان تحریک انصاف (پی ٹی آئی) کے سابق رہنما ابرار الحق نے کہا ہے کہ گزشتہ روز کانسرٹ کے بعد کچھ لوگوں نے ہنگامہ آرائی کی۔
اپنے ایک حالیہ بیان میں انہوں نے گزشتہ روز لندن میں ہونے والے پروگرام میں ہنگامہ آرائی سے متعلق وضاحت کی۔ انہوں نے بتایا کہ لندن میں پروگرام کے بعد ایک سیاسی پارٹی کے لوگوں نے ہنگامہ آرائی کی۔
ابرار الحق کا کہنا تھا کہ سیاسی پارٹی کے لوگوں نے کچھ غیر ملکی باشندوں کی مدد سے ہنگامہ آرائی کرنے کی کوشش کی۔ ہنگامہ آرائی کی کوشش لندن کے لوگوں کی بروقت مداخلت سے ناکام ہوئی۔
خیال رہے کہ گزشتہ روز لندن میں ابرار الحق کے پروگرام کے بعد ہنگامہ آرائی دیکھنے کو ملی۔ ابرار الحق کے گارڈز کی جانب سے ہنگامہ آرائی کرنے والے افراد کو دھکیلا گیا۔
ابرارالحق آج اسقدر خوف زدہ تھے کہ اپنے سیکورٹی کارڈ سے بھی ڈر گئے یہ کالے کون ہیں یہ یہاں کیوں ہیں ؟ #london pic.twitter.com/vouiqTs4mE
— Safina Khan (@SafinaKhann) May 28, 2023