اورنج لائن ٹرین کے اسٹیشنز پر کمرشل شوٹ کرنے کیلئے فیس ادا کرنا ہوگی

ہم نیوز  |  Jun 02, 2023

لاہور: اورنج لائن ٹرین انتظامیہ نے ریونیو جنریٹ کرنے کیلئے پرموشن شروع کردی، اورنج لائن ٹرین کے اسٹیشنز پر کمرشل شوٹ کرنے کیلئے فیس ادا کرنا ہوگی۔

جی ایم ماس ٹرانزٹ اتھارٹی عزی شاہ کے مطابق  فوٹو گرافی اور ویڈیو شوٹ کیلئے اورنج لائن ٹرین کے 26 اسٹیشنز میسر ہوں گے، اس مقصد کے لیے اسٹیشنز کو 3 کیٹیگریز میں تقسیم کیا گیا ہے۔

شالامار گارڈن، باغبان پورہ، انارکلی، لکشمی چوک اسٹیشن اے کیٹیگری میں شامل کیے گئے ہیں، ان اسٹیشنز پر شوٹ کیلیے دو لاکھ روپے پلس ٹیکس دینا ہوگا۔

جی ایم آپریشنز کے مطابق بی کیٹیگری کے اسٹیشنز پر شوٹ کیلئے ڈیڑھ لاکھ پلس ٹیکس دینا ہوگا جب کہ سی کیٹیگری کے اسٹیشنز پر شوٹ کیلئے ایک لاکھ روپے پلس ٹیکس فیس مقرر کی گئی ہے۔

اس ضمن میں جی ایم آپریشنز نے واضح کیا گیا ہے کہ شوٹ سے تین دن قبل لیٹر پیڈ پر درخواست دینا ضروری ہوگا، درخواست کی منظوری کے بعد فیس بھرنی ہوگی، پھرعکس بندی کی اجازت ہوگی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More