چنیوٹ پولیس کی جرائم پیشہ افراد کے خلاف کارروائی،5ملزمان گرفتار،غیرقانونی اسلحہ اور شراب برآمد

چنیوٹ ۔ 25 فروری (اے پی پی):ڈسٹرکٹ پولیس آفیسر عبداللہ احمد کی ہدایت چنیوٹ پولیس نے جرائم پیشہ افراد کے خلاف کارروائی کرکے5ملزمان گرفتار،غیرقانونی اسلحہ اور شراب برآمدکرلی ہے، گرفتار ملزمان کے قبضہ سے 3 عدد پسٹل اور 100 لیٹر سے زائد شراب برآمد ہوئی،گرفتار ملزمان میں لیاقت، شریف، صہیب، منیر اور الیاس شامل ہیں جن کیخلاف مختلف تھانوں میں مقدمات درج ہو چکے ہیں۔

گرفتار ملزمان سے مزید تفتیش کا عمل جاری ہے اورمزیداہم انکشافات متوقع ہیں۔ اس حوالے سے ڈسٹرکٹ پولیس آفیسر کا کہنا تھا کہ پولیس جرائم پیشہ عناصر کی سرکوبی کیلئے سرگرم عمل ہے، جرائم کے مکمل خاتمہ کے لیے عوامی تعاون بے حد ضروری ہے، آپ کے علاقہ میں کسی ایمرجنسی یا جرائم کی صورت میں پولیس ہیلپ لائن 15 پر فوری اطلاع دیں۔