حکومت کا روس سے تیل کی درآمد پر غور، تجاویز طلب

ہم نیوز  |  Jun 29, 2022

حکومت نے روس سے تیل کی درآمد پر غور شروع کر دیا اور آئل ریفائنریوں سے اس حوالے سے مختلف تجاویز طلب کر لی  ہیں۔

ذرائع کے مطابق روسی تیل کے حوالے سے ریفائنریوں کی تکنیکی استعداد کار کے حوالے سے تفصیلات طلب کی گئی ہیں۔

حکومت نے ہدایت کی ہے کہ مشرق وسطی کے مقابلے میں روس سے تیل درآمد پر اخراجات کا موازنہ پیش کیا جائے اور روس کو تیل کی ادائیگیوں کے طریقہ کار پر بھی تفصیلات فراہم کی جائیں۔

عرب ممالک سے تیل خریداری کے طویل مدتی معاہدوں پر بھی تجاویز دی جائیں۔

خیال رہے کہ سابق وزیراعظم عمران خان نے دعویٰ کیا تھا کہ وہ روس سے 30 فیصد تک رعائتی تیل لینے کے لیے معاہدے سے متعلق بات کر رہے تھے کہ بیرونی سازش سے ان کی حکومت ختم کر دی گئی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More