’’نوجوان محنت کریں، پھل ملے گا‘‘گولڈ میڈلسٹ ارشد ندیم وطن پہنچ گئے، شاندار استقبال

ہم نیوز  |  Aug 16, 2022

کامن ویلتھ گیمز اور اسلامک یکجہتی گیمز میں گولڈ میڈل جیتنے والے ارشد ندیم وطن واپس پہنچ گئے، ارشد ندیم نجی ائیر لائن کی پرواز سے لاہور ائیرپورٹ پہنچے ہیں۔

پاکستان پہنچنے پر ارشد ندیم کا شاندار استقبال کیا گیا، ارشد ندیم نے کامن ویلتھ گیمز میں نوے اعشاریہ ایک آٹھ میٹر جویلین تھرو کرکے نیا ریکارڈ بنایا تھا جب کہ اسلامی یکجہتی کھیل میں ارشد ندیم نے اٹھاسی اعشاریہ پچپن  میٹر تھرو کرکے گولڈ میڈل اپنے نام کیا تھا۔

پاکستان پہنچ کر ارشد ندیم کا کہنا تھا کہ پوری قوم کا شکر گزار ہوں، اللہ کا شکر ہے کہ ملک کے لیے دو گولڈ میڈل جیت سکا، ٹوکیو اولمپکس کے بعد انجری ہوگئی تھی لیکن ڈاکٹروں نے بہت محنت کی، قوم کی دعائیں ساتھ رہیں تو اور بھی گولڈ میڈل جیتوں گا، نوجوانوں سے کہوں گا محنت کریں، محنت رائیگاں نہیں جائے گی اور پھل ملے گا۔

یہ بھی پڑھیں: 

انہوں نے مزید کہا کہ پاکستان میں ایتھلیٹکس کا کوئی گراونڈ نہیں ہے، ایتھلیٹکس کا الگ گراونڈ ہو تو زیادہ میڈلز ملنے کی امید ہے، میں زخمی تھا لیکن اس کے باوجود میں نے ہمت نہیں ہاری اور گولڈ میڈل جیتا۔

صوبائی وزیرکھیل ملک تیمور نے کہا کہ ارشد ندیم نے قوم کو یوم آزادی کا تحفہ دیا ہے،ارشد ندیم کے گاوں میں اسٹیڈیم بنائیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More