آئی سی سی چیمپینز ٹرافی کے چھٹے میچ میں نیوزی لینڈ نے بنگلہ دیش کو پانچ وکٹوں سے ہراکر ٹورنامنٹ سے باہر کر دیا۔
اس جیت کے ساتھ نیوزی لینڈ انڈیا کے ساتھ سیمی فائنل میں پہنچنے والی گروپ اے کی دوسری ٹیم بن گئی۔
نیوزی لینڈ نے بنگلہ دیش کی جانب سے دیا گیا 237 رنز کا ہدف 47 ویں اوور میں پانچ وکٹوں کے نقصان پر حاصل کر لیا۔
نیوزی لینڈ کی جانب سے رچن روندرا نے شاندار سینچری سکور کی جبکہ ٹام لیتھم نے 55 جبکہ ڈیون کانوے نے 30 ربز بنا کر نمایاں رہے۔
راولپنڈی میں کھیلے گئے میچ میں ٹاس ہارنے کے بعد پہلے بیٹنگ کرتے ہوئے بنگلہ دیش نے 9 وکٹوں کے نقصان پر مقررہ 50 اوورز میں 236 رنز بنائے۔
بنگلہ دیش کی جانب سے نجم الحسین شانتو نے 77، جاکر علی نے 45 اور رشاد حسین نے 26 رنز بنائے۔
نیوزی لینڈ کی طرف سے مائیکل بریسویل نے عمدہ بولنگ کرتے ہوئے چار وکٹیں حاصل کیں جبکہ وِل او رُورک نے دو کھلاڑیوں کو آؤٹ کیا۔
بنگلہ دیشی ٹیم کے شکست کے ساتھ نہ صرف وہ باہر ہوئے بلکہ پاکستان بھی ایونٹ سے باہر ہو گیا ہے۔
ٹورنامنٹ میں اپنے پہلے میچ میں نیوزی لینڈ نے پاکستان کو 60 رنز سے ہرا دیا تھا۔
بنگلہ دیش کو چیمپئنز ٹرافی میں اپنے پہلے میچ میں انڈیا کے ہاتھوں چھ وکٹوں سے شکست ہوئی تھی۔
بنگلہ دیش کی پلیئنگ الیوناس میچ کے لیے بنگلہ دیش کی پلیئنگ الیون میں تنزید حسن، نجم الحسین شانتو (کپتان)، مہدی حسن میراز، توحید ہری دوئے، مشفیق الرحیم (وکٹ کیپر)، محمود اللہ، جاکر علی، رشاد حسین، تسکین احمد، مستفیض الرحمان اور ناہید رانا شامل ہیں۔ نیوزی لینڈ کی پلیئنگ الیوناس میچ کے لیے نیوزی لینڈ کی ٹیم میں وِل ینگ، ڈیوون کونوے، کین ولیمسن، ٹام لیتھم (وکٹ کیپر)، رچن رویندرا، گلین فلپس، مائیکل بریسول، مچل سینٹنر (کپتان)، میٹ ہینری، وِل او رُورک اور کائل جیمیسن شامل ہیں۔