آئی سی سی چیمپئنز ٹرافی کے 12ویں میچ میں انڈیا نے نیوزی لینڈ کو 44 رنز سے ہرا دیا۔
دبئی انٹر نیشنل سٹیڈیم میں کھیلے گئے میچ میں انڈیا نے پہلے بیٹنگ کرتے ہوئے نیوزی لینڈ کو جیت کے لیے 250 رنز کا ہدف دیا تھا۔
جواب میں نیوزی لینڈ کی پوری ٹیم 44 ویں اوور میں 205 رنز بنا کر آؤٹ ہوگئی۔
دبئی میں جاری میچ میں ٹاس ہارنے کے بعد انڈیا نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 249 رنز بنائے۔
انڈیا کی جانب سے شریاس ایئر 79، ہاردک پانڈیا نے 45 اور اکشر پٹیل نے 42 رنز بنائے۔
نیوزی لینڈ کی طرف سے بولنگ کرتے ہوئے میٹ ہینری نے پانچ جبکہ کائل جیمیسن اور وِل او رُورک نے ایک ایک وکٹ حاصل کی۔
آج دونوں ٹیمیں ایونٹ میں اپنا آخری میچ کھیل رہی ہیں جبکہ یہ مجموعی طور پر بھی گروپ راؤنڈ کا آخری میچ ہے۔
اس میچ میں انڈیا کی کپتانی روہت شرما کر رہے ہیں جبکہ نیوزی لینڈ کی قیادت مچل سینٹنر کے پاس ہے۔
انڈیا اور نیوزی لینڈ دونوں ٹیمیں ابھی تک ٹورنامنٹ میں ناقابلِ شکست ہیں۔
ناقابلِ شکست رہنے کی وجہ سے دونوں ٹیمیں سیمی فائنل میں پہنچ چکی ہیں۔
انڈیا اور نیوزی لینڈ کے درمیان اب تک 118 ون ڈے انٹرنیشنل میچ کھیلے جا چکے ہیں۔
118 ون ڈے میچوں میں 60 مرتبہ انڈیا کو جیت حاصل ہوئی اور 50 مرتبہ نیوزی لینڈ نے فتح حاصل کی جبکہ سات میچ بے نتیجہ اور ایک میچ برابر رہا۔
نیوزی لینڈ کی پلیئنگ الیوناس میچ کے لیے نیوزی لینڈ کی پلیئنگ الیون میں رچن رویندرا، وِل ینگ، کین ولیمسن، ڈیرل مِچل، ٹام لیتھم (وکٹ کیپر)، گلین فلپس، مائیکل بریسویل، مِچل سینٹنر (کپتان)، میٹ ہینری، کائل جیمیسن اور وِل او رُورک شامل ہیں۔انڈیا کی پلیئنگ الیوناس میچ کے لیے انڈیا کی ٹیم میں روہت شرما (کپتان)، شبھمن گِل، وراٹ کوہلی، شریاس ایئر، اکشر پٹیل، کے ایل راہُل (وکٹ کیپر)، ہاردک پانڈیا، رویندرا جڈیجہ، محمد شامی، کلدیپ یادو اور ورون چکراورتھی شامل ہیں۔