وفاقی وزیر سائنس و ٹیکنالوجی خالد حسین مگسی کا کہنا ہے کہ پاکستان اور چین کے روابط باہمی احترام اور اعتماد پر مبنی ہیں اور وقت کے ساتھ مزید مستحکم ہو رہے ہیں۔
وفاقی وزیر خالد مگسی نے چینی وفد کے اعزاز میں منعقدہ افطار عشایے میں بطور مہمان خصوصی شرکت کی ،اس موقع پر انہوں نے پاکستان اور چین کے دیرینہ تعلقات پر روشنی ڈالتے ہوئے کہا کہ پاکستان مختلف سائنسی اور تکنیکی شعبوں میں چین کی مہارت سے فائدہ اٹھا رہا ہے اور دونوں ممالک کے درمیان مشترکہ تحقیق اور صلاحیت سازی کے مواقع مزید بڑھ رہے ہیں۔
وفاقی وزرا اور پارلیمانی سیکریٹریز کی غیر حاضری ،ڈپٹی اسپیکر قومی اسمبلی کا وزیر اعظم کو خط
انہوں نے اس بات پر زور دیا کہ چین کے خلائی طب (اسپیس میڈیسن) کے پروگرام کا حصہ بننا پاکستان کے لیے ایک اہم سنگ میل ہے، جو ملک میں سائنسی ترقی کے نئے دروازے کھولے گا۔
انہوں نے بتایا کہ پاکستان اور چین مشترکہ لیبارٹریوں کے قیام سمیت مختلف سائنسی منصوبوں پر تعاون کر رہے ہیں اور اس اشتراک کو مزید وسعت دی جائے گی۔
خالد حسین مگسی نے اس عزم کا اعادہ کیا کہ پاکستان سائنس اور ٹیکنالوجی کے میدان میں مشترکہ تحقیق اور استعداد کار میں اضافے کے لیے چین کے ساتھ مل کر کام کرتا رہے گا۔
وزیراعلیٰ پنجاب کا جناح اسپتال کا دورہ،شکایات پر پرنسپل اور ایم ایس کو معطل کر نے کا حکم
افطار عشایے میں چینی وفد کے اراکین، اعلیٰ حکام اور ماہرینِ سائنس نے شرکت کی اور دونوں ممالک کے درمیان سائنسی و تکنیکی تعاون کے فروغ پر تفصیلی گفتگو کی گئی۔