بھارتی کرکٹ ٹیم کے سابق آل راؤنڈرعرفان پٹھان پرآئی پی ایل 2025 کے سیزن میں سنگین الزامات عائد کردیئے گئے اورانہیں کمنٹری پینل سے بھی باہر کردیا گیا۔
بھارتی میڈیا کی رپورٹ کے مطابق آئی پی ایل 2025 کا آغاز گزشتہ روز ایڈن گارڈن کولکتہ میں ہوا جہاں کولکتہ نائٹ رائیڈرزاوررائل چیلنجرز بنگلورکے درمیان رواں سیزن کا پہلا میچ ہوا۔
آئی پی ایل کی تاریخ کا مہنگا ترین اسپیل ، جوفرا آرچر نے ناپسندیدہ ریکارڈ اپنے نام کر لیا
بھارتی کرکٹ بورڈ کی جانب سے سجائی گئی تقریب میں عرفان پٹھان کا نام شامل نہیں ہے حالانکہ وہ آئی پی ایل کی کمنٹری کا اہم جزو رہے ہیں۔
بھارتی میڈیا نے رپورٹ کیا کہ عرفان پٹھان کوآئی پی ایل 2025 کے کمنٹری پینل سے بھارت کئی کرکٹرز کی شکایت پر ہٹا دیا گیا ہے اورچند ایک کھلاڑیوں نے الزام عائد کیا کہ وہ جانب دارانہ کمنٹری کرتے ہیں۔
آسٹریلیا کے خلاف دیئے گئے بیان کی وجہ سے ایک کرکٹر نےعرفان کا نمبر بھی بلاک کردیا ہے۔