کراچی میں آج سے بادل برسیں گے۔۔ گرج چمک کے ساتھ بارش کب تک جاری رہے گی؟ محکمہ موسمیات کی پیش گوئی

مغربی ہواؤں کے زیر اثر آج سے کراچی میں 29 جون تک بادل برسیں گے، یہ کہنا ہے محکمہ موسمیات کا جبکہ جمعے کے روز تک وقفے وقفے سے گرج چمک کے ساتھ بارش کا سلسلہ جاری رہے گا۔

محکمہ موسمیات کا کہنا ہے کہ ہفتہ اور اتوار کو شہر قائد میں موسلا دھار بارش کے باعث اربن فلڈنگ کا خدشہ بھی موجود ہے۔

مون سون بارشوں کا پہلا اسپیل 2 جولائی تک بادل برسائے گا، دوسرا اسپیل 5 جولائی سے ملک پر اثر انداز ہوگا۔ آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے جبکہ شہر میں اس وقت بادلوں کے ڈیرے ہیں اور مطلع ابر آلود ہے۔