اردو نیوز | Jul 29, 2025
ایک شہری کی خفیہ اطلاع پر ڈپٹی کمشنر بٹگرام کی ہدایت پر ایڈیشنل اسسٹنٹ کمشنر بٹگرام اختر رسول نے کوزہ بانڈہ کے مقام پر چھاپہ مار کر ذبح کیے ہوئے گدھے کا گوشت برآمد کر لیا۔کارروائی کے دوران دو افراد کو موقعے پر گرفتار کر کے پولیس کے حوالے کر دیا گیا جبکہ گدھے کے گوشت کو فوری طور پر تلف کر دیا گیا۔ضلعی انتظامیہ کے مطابق ملزمان کے خلاف مقدمہ درج کر کے تفتیش شروع کر دی گئی ہے تاکہ ملوث نیٹ ورک کو بے نقاب کیا جا سکے۔ایڈیشنل اسسٹنٹ کمشنر نے اس موقعے پر کہا کہ ’عوام کی صحت سے کھیلنے والے کسی رعایت کے مستحق نہیں اور ایسے افراد کے خلاف سخت قانونی کارروائی عمل میں لائی جائے گی۔‘
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More