اسلام آباد ہائی کورٹ نے توشہ خانہ کیس میں بانی پی ٹی آئی عمران خان اور ان کی اہلیہ بشریٰ بی بی کی بریت کی درخواستوں پر نوٹس جاری کر دیا ہے۔
تفصیلات کے مطابق جسٹس انعام امین منہاس نے کیس کی سماعت کے دوران فریقین کو نوٹس جاری کرتے ہوئے ہدایت دی کہ وہ اپنے قانونی دلائل عدالت میں پیش کریں۔ عدالت نے مزید کارروائی کو غیر معینہ مدت کے لیے ملتوی کر دیا اور آئندہ سماعت کی کوئی تاریخ فی الحال مقرر نہیں کی گئی۔
ذرائع کے مطابق عدالت کا یہ فیصلہ فریقین کو مکمل قانونی مؤقف پیش کرنے کا موقع فراہم کرنے کے لیے کیا گیا ہے۔
واضح رہے کہ توشہ خانہ کیس میں عمران خان اور بشریٰ بی بی پر سرکاری تحائف کی خرید و فروخت اور قوانین کی مبینہ خلاف ورزی کے الزامات عائد ہیں۔ عدالت کے نوٹس کے بعد دونوں فریقین کو اپنے قانونی موقف کی وضاحت کے لیے عدالت میں پیش ہونا پڑے گا۔