پب جی گیم کس طرح اپنے صارفین کی جاسوسی کرنے لگا؟ اہم انکشافات سامنے

سچ ٹی وی  |  Jun 29, 2020

بین الاقوامی میڈیا رپورٹ کے مطابق موبائل اور سائبر سیکیورٹی پر نظر رکھنے والے ماہرین نے آئی فون صارفین کی حساس معلومات کی جاسوسی کے حوالے سے تحقیق کی۔

ماہرین نے اپنی رپورٹ میں بتایا کہ لپ سنکنگ کے ذریعے ٹک ٹاک اور پب جی سمیت 53 ایپس آئی فون صارفین کی جاسوسی کرنے میں مصروف ہیں۔ مذکورہ ایپس کی مدد سے صارفین کے کلپ بورڈ کی حساس معلومات کی جاسوسی کی جارہی ہے۔

ماہرین کے مطابق صارفین کی حساس معلومات میں فون کا پاسورڈ، کرپٹو کرنسی، والٹ ایڈریس، اکاؤنٹ ری سیٹ لنکس، آئی کلاؤڈ اور ذاتی پیغامات پر نظر رکھنا شامل ہے۔

سائبر اور موبائل سیکیورٹی پر نظر رکھنے والے ماہرین نے مارچ میں رپورٹ شائع کرنے کی کوشش کی مگر آئی فون کی یقین دہانی کے بعد اسے کچھ عرصے کے لیے خود ہی رو ک دیا تھا۔

ماہرین کا کہنا ہے کہ تین ماہ بعد بھی آئی فون انتظامیہ نے مذکورہ ایپس کو اسٹور سے نہیں ہٹایا اور نہ ہی صارفین کو اس حوالے سے آگاہ کیا، مذکورہ کمپنیاں تاحال جاسوسی کررہی ہیں۔

ماہرین کا کہنا ہے کہ ان ایپس سے صارفین کی رازداری کو خطرہ اس لیے ہے کہ یہ ایپلی کیشنز کلپ بورڈ میں موجود معلومات کو بار بار پڑھتی ہیں، اس کلپ بورڈ کو عام طور پر صارفین کمپیوٹر یا دوسری ڈیوائسس کا ڈیٹا جمع کرنے کے لیے استعمال کرتے ہیں جس میں زیادہ تر پاسورڈ اور دیگر اہم معلومات محفوظ کی جاتی ہیں۔

تحقیقی ماہرین نے ایک بار پھر سوال اٹھایا کہ ہمیں یہ بات سمجھ نہیں آئی کہ مذکورہ ایپس کے ذریعے صارفین کی جاسوسی کیوں کی جارہی ہے اور ایپل انتظامیہ نے ان کمپنیوں کے خلاف ایکشن کیوں نہیں لیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More