ہانیہ عامر حلیمہ سلطان بننے کی کیوں خواہشمند؟ اہم وجہ سامنے آ گئی

سچ ٹی وی  |  Jun 30, 2020

ترکی کا تاریخی ڈراما ’’ارطغرل غازی‘‘ ان دنوں پورے پاکستان کا پسندیدہ ڈراما بنا ہوا ہے ۔ عام عوام سمیت پاکستانی فنکار بھی اس کے سحر میں گرفتار ہوچکے ہیں۔

ارطغرل کے مداحوں میں ایک اور نام ہانیہ عامر کا شامل ہوا ہے جنہوں نے حال ہی میں اس ڈرامے کو دیکھنا شروع کیا ہے اور وہ بھی دیگر پاکستانیوں کی طرح ڈرامے کے ہیروئن حلیمہ سلطان کی پرستار بن گئیں ہیں۔ یہاں تک کہ انہوں نے خود کو حلیمہ سلطان کے کردار میں ڈھالنے کا عندیہ دے دیا ہے۔

گزشتہ روز ہانیہ عمر نے انسٹاگرام پر پیغام لکھا کہ اگر آپ مجھے مختلف انداز میں اداکاری کرتے دیکھیں گے تو یقیناً اس کے پیچھے کسی کردار کا مجھ پر اثر ہوجانا ہے کیونکہ میں جب بھی کوئی نیا شو دیکھنا شروع کرتی ہوں تو اس میں اپنے سب سے زیادہ پسندیدہ کردار میں خود کو ڈھال لیتی ہوں۔

اس پوسٹ کے کیپشن میں ہانیہ عامر نے لکھا اگلا کردار حلیمہ سلطان۔ ہانیہ عامر کی اس پوسٹ سے یہ اشارہ ملتا ہے کہ وہ حلیمہ سلطان کی طرح کا کردار ادا کرنے کی خواہشمند ہیں۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More