وٹامن اے جسم میں موجود چربی کو پگھلانے میں اہم قرار

نوائے وقت  |  Oct 30, 2020

ایک تحقیق کے بعد ماہرین اس نتیجے پر پہنچے ہیں کہ انسانی جسم میں وٹامن اے جسم میں موجود چربی کو پگھلانے کا کام کرتا ہے۔

ویانا میڈیکل یونیورسٹی کے ماہرین کی تحقیق کے مطابق سردی کے موسم میں انسانی جسم وٹامن اے کی زیادہ ضرورت محسوس کرتا ہےکیونکہ جسم میں بھوری چربی کا اضافہ ہو چکا ہوتا ہے۔ اسی طرح میٹابولک سرگرمیوں اور توانائی کی کھپت میں بھی اضافہ ہوجاتا ہے۔

ماہرین کے مطابق انسانی جسم میں کافی مقدار میں سفید چربی ہوتی ہے جو دونوں طرف کولہوں اور پیٹ میں جمع ہوتی ہے۔ تحقیق میں بتایا گیا کہ ماہرین اس نتیجے پر پہنچے ہیں کہ وٹامن اے ایڈیپوز ٹشوز کے کام میں اہم کردار ادا کرتا ہے اور توانائی کے استعمال کو مضبوط کرتا ہے۔

ماہرین نے اس جانب بھی توجہ دلائی ہے کہ لوگ وٹامن اے کے حصول کے لیے ڈاکٹر کی ہدایت کے بغیر کوئی دوا استعمال نہ کریں۔ سائنسدان اب اس پر تحقیق کر رہے ہیں کہ موٹاپے سے بچاؤ کے لیے سردی کے موسم میں چربی کے خلاف مزید کیا اقدامات کیے جا سکتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More