اوورسیز پاکستانیوں نے سٹیزن پورٹل کا بھرپور استعمال کیا: وزیراعظم

اردو نیوز  |  Dec 04, 2020

وزیر اعظم عمران خان نے کہا ہے کہ اوورسیز پاکستانیوں نے ’پاکستان سٹیزن پورٹل‘ کا بھرپور استعمال کیا ہے۔

اسلام آباد میں پاکستان سٹیزن پورٹل کی دو سالہ کارکردگی کے حوالے سے منعقدہ تقریب سے خطاب کرتے ہوئے عمران خان نے کہا اگر اوورسیز پاکستانیوں کو اچھا رسپانس ملتا رہے گا تو وہ اس پورٹل کو مزید استعمال کریں گے۔

وزیر اعظم نے کہا کہ سٹیزن پورٹل میں سب سے بڑا مسئلہ یہ سامنےآیا ہے کہ لوکل گورنمنٹ سسٹم کام نہیں کررہا ہے۔

 

انہوں نے کہا کہ ’ہم نے نئی طرز کا لوکل گورنمنٹ سسٹم لائے ہیں،جس سےنچلی سطح پر فنڈز جائیں گے۔‘

’اس سسٹم سے انقلاب آئے گا کیونکہ یہ بہت نچلی یعنی گاؤں کی سطح تک ہے۔‘

وزیر اعظم کے مطابق شہری حکومت بھی صوبوں کی طرح ہوگی اور فنڈز ڈائریکٹ گاؤں کی سطح تک جائیں گے۔ ’لاہور کراچی پشاور اور دوسرے بڑے شہروں کا اپنا سسٹم ہوگا اور وہاں الیکشن کے بعد شہری حکومت بنے گی۔‘

عمران خان نے کہا کہ حکومت سٹیزن پورٹل کومزید بہتر اور مضبوط بنائے گی۔ وزیر اعظم نے بتایا کہ سول سرونٹس کے لیے اصلاحات بھی لا رہے ہیں۔

وزیراعظم نے لوگوں پر زور دیا کہ کوئی اے سی، ڈی سی یا تھانےدار تنگ کرے، تو سٹیزن پورٹل پر شکایت کریں۔ ’سندھ اورپنجاب میں ضلع کی سطح پر کرپشن سے لوگ بہت تنگ ہیں۔‘

وزیر اعظم نے کہا کہ 30 لاکھ لوگوں نے سٹیزن پورٹل کا استعمال کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More