لیجنڈ امریکی ٹی وی ہوسٹ لیری کنگ عالمی وبا کے باعث چل بسے

بول نیوز  |  Jan 23, 2021

امریکی لیجنڈ ٹی وی اور ریڈیو ہوسٹ لیری کنگ عالمی وبا کورونا وائرس کے باعث 87 سال کی عمر میں چل بسے۔

غیر ملکی خبر رساں ایجنسی کے مطابق لیری کنگ گزشتہ ایک ماہ سے کورونا وائرس کے باعث اسپتال میں داخل تھے جہاں  ان کا علاج جاری تھا۔

خبرایجنسی کے مطابق لیری کنگ کا منفرد انداز ان کی شخصیت کا خاصہ تھا جس کے باعث وہ کافی مقبول تھے،انہیں پچاس ہزار سے زائد انٹرویوز کرنے کا اعزاز حاصل ہے، لیری کنگ کے حوالے سے مشہور تھا کہ وہ اپنے انٹرویوز کے لیے کوئی خاص تیاری نہیں کرتے تھے۔

لیری کنگ سابق امریکی صدر ڈونلڈ ٹرمپ کے قریبی دوست تھے، تاہم ایک مرتبہ 2019 میں ڈونلڈ ٹرمپ پر تبصرہ کرتے ہوئے انہوں نے کہا کہ یہ وہ ٹرمپ نہیں جنہیں میں جانتا تھا۔

خیال رہے کہ لیری کنگ نے امریکی نشریاتی ادارے سی این این پر سب سے زیادہ شو ہوسٹ کرنے کا گینز ریکارڈ بھی اپنے نام کر رکھا ہے

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More