سعودی عرب میں ضائع ہونے والی غذائی اشیاء کی سالانہ رپورٹ جاری

بول نیوز  |  Feb 16, 2021

سعودی عرب میں ضائع ہونے والی غذائی اشیاء کی سالانہ رپورٹ جاری کردی گئی ہے۔

جاری کردہ رپورٹ کے مطابق سعودی عرب میں سالانہ 40 ارب ریال کی غذائی اشیاء کو ضائع کیا جاتا ہے۔

رپورٹ کے مطابق 2019 کے دوران سعودی عرب میں خوراک کے ضیاع کا تناسب 33.1 فیصد تک پہنچ گیا تھا۔

ضائع ہونے والی خوراک میں سبزیاں پہلے نمبر پر ہیں، ریڈی میٹ کھانا دوسرے نمبر پر ہے جبکہ پھل اور چاول تیسرے نمبر پر ہیں۔

اس ضمن میں سعودی فوڈ اینڈ ڈرگ اتھارٹی نے بتایا ہے کہ سعودی عرب میں غذائی خوراک کا ضائع ایک بڑا مسئلہ ہے۔

ایس ایف ڈی اے نے بتایا کہ 2020 کے دوران 5424 تاجروں کو وارننگ جاری کی گئی ہے جبکہ وزیر ماحولیات و پانی و زراعت انجینیئر عبدالرحمان الفضلی چار اپریل 2020 کو بیان جاری کر کے خبردار کرچکے ہیں کہ سعودی عرب میں سالانہ چالیس ارب ریال مالیت کی غذائی اشیا ضائع ہو رہی ہیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More