تیسراون ڈے: جنوبی افریقہ کیخلاف پاکستان ٹیم میں تبدیلیوں کاامکان

سماء نیوز  |  Apr 06, 2021

فوٹو: پی سی بی

جنوبی افریقہ کے خلاف تیسرے ون ڈے کے لیے پاکستان کی جانب سے ٹیم میں دو کھلاڑیوں کی تبدیلی متوقع ہے۔

رپورٹس کے مطابق ٹاپ آرڈر بلے باز حیدر علی اور لیگ اسپنر عثمان قادر کی ٹیم میں شمولیت کا امکان ہے۔ تین میچز کی سیریز کا آخری میچ بدھ 7اپریل کو سنچورین میں کھیلا جائے گا۔

کرکٹ پاکستان کے مطابق قومی ٹیم کے نائب کپتان شاداب خان پیر کے انگوٹھے کی انجری کے باعث جنوبی افریقہ کے خلاف بقیہ میچز اور دورہ زمبابوے کے لیے ٹیم سے باہر ہوگئے ہیں۔ شاداب خان کی جگہ عثمان قادر کی شمولیت کے امکانات بڑھ گئے ہیں۔

پی ایس ایل میں ملتان سلطانز کی نمائندگی کرنے والے عثمان قادر جنوبی افریقہ کے خلاف ٹی ٹوئنٹی اسکواڈ کا حصہ ہیں۔

حیدر علی کو مڈل آرڈر بلےباز آصف علی یا پھر پاکستان ٹیم میں ڈیبیو کرنے والے آل راونڈر دانش عزیز کی جگہ ٹیم میں شامل کیا جا سکتا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More