سعودی عرب: حائل اور عسیر ریجن میں اپریل میں برفباری

سماء نیوز  |  Apr 20, 2021

سعودی عرب کے متعدد علاقوں میں شدید بارش کے بعد سیلاب آگیا ہے، حائل شہر اور عسیر ریجن میں برفباری کے بعد پہاڑوں اور نخلستانوں نے اپریل میں موٹی سفید چادر اوڑھ لی ہے۔

کے مطابق سعودی شہریوں اور مکینوں نے مکہ مکرمہ، العقیق اور دوسرے علاقوں میں شدید بارش کے بعد سیلاب کی تصاویر اور ویڈیوز سوشل میڈیا پر شیئر کی ہیں۔

شمال مغربی صوبہ حائل اور جنوب مغربی ریجن عسیر میں اپریل کے مہینے میں شدید برف باری ہوئی ہے اور میدانوں و پہاڑی علاقوں میں برف کی موٹی تہہ جم چکی ہے، ان علاقوں کے مکینوں نے بھی برفباری کے مناظر کی ویڈیوز سوشل میڈیا پر پوسٹ کی ہیں۔

ویڈیوز میں حائل میں واقع بحرہ بنی رشید کے پہاڑوں پر برف کی دبیر چادر جمی ہوئی دیکھی جاسکتی ہے، سعودی عرب میں یہ سب سے بڑا آتش فشاں پہاڑ ہے۔

منطقہ عسیر میں واقع ابھا، خمیس مشیط، تنومہ اور النماص سمیت متعدد گورنریوں اور شہروں میں شدید بارش کے ساتھ برف باری ہوئی ہے۔

سعودی عرب کے قومی موسمیات مرکز کی اطلاع کے مطابق جازان، عسیر، الباحہ اور مکہ مکرمہ سمیت متعدد علاقوں میں شدید گرج چمک کے ساتھ مزید طوفانی بارشیں متوقع ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More