وزیراعظم کا فلسطینی صدر محمود عباس سے ٹیلیفونک رابطہ

بول نیوز  |  May 13, 2021

وزیراعظم عمران خان نے فلسطینی صدر محمود عباس سے ٹیلیفونک رابطہ  کیا ہے۔

تفصیلات کے مطابق فلسطینی صدر اور وزیراعظم عمران خان   نے فلسطین کی موجودہ صورتحال پر گفتگو کی ہے۔

وزیراعظم  نے کہا کہ  فلسطینی عوام کے حقوق کے لئے اپنی حمایت جاری رکھیں گے۔

عمران خان  نے  مسجد اقصیٰ میں عبادت کے دوران اسرائیلی حملوں کی شدید مذمت کی ہے۔

وزیراعظم نے غزہ میں اسرائیلی ایئر اسٹرائیک کے نتیجے میں شہریوں اور  بچوں کی اموات پر افسوس کا اظہار بھی کیا ہے۔

انہوں نے کہا کہ انسانی حقوق اور عالمی قوانین کی خلاف ورزی پر پاکستان عالمی برادری کو متحرک کرے گا۔

وزیراعظم  نے یہ بھی کہا کہ پاکستانی قیادت مشکل وقت میں فلسطینیوں کے ساتھ کھڑی ہے۔

فلسطینی صدر محمود عباس  نے عمران خان سے اظہار تشکر کیا اور  پاکستانی قیادت کے ردعمل کو سراہا ہے۔

فلسطینی صدر نے وزیراعظم کو موجودہ صورتحال اور مستقبل کے بارے میں آگاہ کیا ہے۔

گفتگو کے دوران دونوں رہنماؤں  نے موجودہ صورتحال پر ایک دوسرے سے رابطے میں رہنے کا فیصلہ کیا ہے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More