بھارت: محبت کی علامت تاج محل رواں ہفتے کھولنے کا فیصلہ

ہم نیوز  |  Jun 14, 2021

نئی دہلی: سیاحوں کی دلچسپی کے اہم ترین مرکز اور محبت کی علامت قرار دیے جانے والے تاج محل کو رواں ہفتے دوبارہ کھولنے کا فیصلہ کیا گیا ہے۔

عالمی خبر رساں ایجنسی کے مطابق یہ فیصلہ عالمی وبا قرار دیے جانے والے کورونا وائرس کے کیسزمیں کمی آنے کے بعد کیا گیا ہے۔

خبر رساں ایجنسی کے مطابق حکومت نے تاریخی اور دنیا کے سات عجوبوں میں شامل تاج محل کو دوبارہ کھولے جانے کی تصدیق کی ہے۔ عالمی وبا قرار دیے جانے والے کورونا وائرس کی وجہ سے دو ماہ قبل تاج محل کو عوام الناس کو بند کردیا گیا تھا۔

خبر رساں ایجنسی کے مطابق اپریل اور مئی کے مہینوں میں چونکہ کورونا کے باعث بھارت میں بہت زیادہ اموات ریکارڈ کی گئی تھیں اس لیے لاک ڈاؤن کیا گیا تھا۔

بھارت میں اس وقت نئی دہلی اور ممبئی میں کورونا کی وجہ سے عائد کردہ پابندیاں نرم کردی گئی ہیں۔

مغل بادشاہ شاہجہاں نے اپنی اہلیہ ممتاز محل کا بنایا گیا مقبرہ آگرہ میں واقع ہے۔ کورونا وبا کی وجہ سے تاج محل کے اطراف کا علاقہ بھی بری طرح متاثرہوا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More