پسماندہ طبقے کو غربت سے نکالنا حکومت کی اولین ترجیح ہے، وزیراعظم

بول نیوز  |  Jun 15, 2021

وزیرِ اعظم عمران خان نے کہا ہے کہ پسماندہ طبقے کو غربت سے نکالنا حکومت کی اولین ترجیح ہے۔

تفصیلات کے مطابق وزیرِ اعظم عمران خان سے میانوالی سے تعلق رکھنے والے اراکینِ پارلیمنٹ اور عوامی نمائندگان کی ملاقات ہوئی جس میں شرکاء نے وزیر اعظم کو کامیاب معاشی پالیسیوں کی بدولت مثبت معاشی اعشاریوں پر مبارکباد پیش کی۔

ملاقات میں میانوالی کے مسائل، مجوزہ منصوبوں اور جاری ترقیاتی کاموں پر پیش رفت سے وزیرِ اعظم کو آگاہ کیا گیا۔

عمران خان نے اس موقع پر شرکاء کے مسائل کے حل اور مجوزہ منصوبوں پر منصوبہ بندی کی ہدایات دیں۔

ملاقات میں وزیرِ اعظم نے کہا کہ میانوالی کے لوگوں کو بنیادی صحت اور تعلیم کی سہولیات اور ترقی کے مساوی مواقع فراہم کرنے کیلئے اقدامات اٹھائے جا رہے ہیں۔

عمران خان نے یہ بھی کہا کہ کسان کارڈ سے ساڑھے بارہ ایکڑ تک کے کسانوں کو آسان زرعی قرضے، ٹیکنیکل ٹریننگ، صحت کارڈ کے ذریعے ہیلتھ انشورنس اور لاکھوں خاندانوں کو ٹارگٹڈ سبسڈی فراہم کی جائے گی۔

وزیرِ اعظم عمران خان نے مزید کہا کہ حکومت کی کاروبار دوست معاشی پالیسیوں کی بدولت علاقے میں صنعتوں کے قیام سے مقامی نوجوانوں کو روزگار کے مواقع فراہم ہونگے۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More