نگورنوکاراباخ کے شہر شوشا میں ترقیاتی کاموں کا آغاز

سماء نیوز  |  Jun 18, 2021

فوٹو: ٹوئٹر

آذربائیجان کا حال ہی میں آرمینیا سے جنگ میں آزاد کرائے گئے مقبوضہ علاقے نگورنوکاراباخ کے شہر شوشا میں ترقیاتی کاموں کا آغاز کردیا گیا۔

گزشتہ دنوں تک صدر رجب طیب اردوان نے آذربائیجان کے دارالحکومت باکو سمیت فتح کیے گئے علاقے نگورنوکاراباخ کے مختلف علاقوں کا دورہ کیا۔ اس موقع پر آذربائیجان کے صدر الہام علیوف ان کے ہمراہ تھے۔

ترک نیوز ایجنسی کے مطابق شوشا پہنچنے پر آذربائیجان کی فوج کے ایک چاق وچوبند دستے نے صدر طیب اردوان کو گارڈ آف پیش کیا۔ دونوں ممالک میں ایک معاہدے پر بھی دستخط کیے گئے ،جسے شوشا معاہدے کا نام دیا گیا ہے۔

ترک صدر اردوان نے پریس کانفرنس کرتے ہوئے کہا کہ دنوں ممالک کے درمیان معاہدے سے تعلقات میں نئے دور کا آغاز ہوگا،44 روز کی جنگ کے بعد کاراباخ اپنے حقیقی وطن سے جا ملا جس پر میں ایک بار پھر آذری عوام کو مبارک باد پیش کرتا ہوں۔

واضح رہے کہ آذربائیجان کے علاقے شوشا میں آرمینیا نے 1992 میں قبضہ کرلیا تھا اور مسلمانوں کو بے دخل کردیا تھا۔ یہ علاقہ عالمی سطح پر آذربائیجان کی ملکیت تسلیم کیا جاتا ہے تاہم یہ آرمینیائی نسل کے لوگوں کے کنٹرول میں تھا۔

آرمینیا نےمکمل جنگ بندی معاہدے پر دستخط کردیے

گزشتہ سال آذربائیجان اور آرمینیا کے درمیان 41روزہ جنگ میں اس علاقے کو آزاد کرایا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More