ننکانہ صاحب: مسافر بس الٹنے سے 42 افراد زخمی

ہم نیوز  |  Jun 24, 2021

لاہور: ننکانہ صاحب کے قریب تیز رفتار مسافر بس ٹرالر کو بچاتے ہوئے الٹ گئی ہے جس کے نتیجے میں 42 افراد زخمی ہو گئے ہیں۔

ہم نیوز کے مطابق بس الٹنے کی اطلاع ملتے ہی علاقہ پولیس اور ریسکیو ادارے اور ضلعی انتطامیہ جائے حادثے پر پہنچ گئے ہیں اور زخمیوں کو فوری طور پر طبی امداد کے لیے اسپتال منتقل کرنا شروع کردیا ہے جب کہ پولیس نے ثبوت و شواہد بھی اکھٹے کیے ہیں۔

ریسکیو کے ذمہ دار ذرائع نے بتایا ہے کہ حادثے کے 42 زخمیوں میں سے 18 شدید زخمیوں کو ڈسٹرکٹ ہیڈ کوارٹر اسپتال منتقل کردیا گیا ہے۔

ہم نیوز نے ریسکیو کے ذرائع سے بتایا ہے کہ 18 شدید زخمیوں میں سے 4 کی حالت تشویشناک ہے۔ ذرائع کے مطابق ڈاکٹروں کی ٹیم شدید زخمیوں کو طبی تمام ممکنہ طبی امداد فراہم کر رہی ہے۔

ابتدائی اطلاعات کے مطابق مسافر بس لاہور سے ننکانہ صاحب آرہی تھی کہ حادثے کا شکار ہو گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More