’اعظم خان کو ٹیم میں کیوں شامل کیا گیا؟‘

اردو نیوز  |  Jul 21, 2021

انگلینڈ کی جانب سے تین ٹی20 میچز کی سیریز کے دوسرے میچ میں پاکستان کو 45 رنز سے شکست کے بعد جہاں کرکٹ شائقین افسردہ دکھائی دیے وہیں بیشتر شائقین کی جانب سے کھلاڑیوں کو کڑی تنقید کا سامنا بھی کرنا پڑا۔

تنقید کا نشانہ بننے والے کھلاڑیوں میں مڈل آرڈر بیٹسمین اعظم خان سرفہرست رہے، اعظم خان کو انگلینڈ کے خلاف ٹی 20 سیریز کے لیے پاکستانی پلیئنگ الیون کا حصہ بنایا گیا۔ جہاں بیشتر شائقین معین خان کا بیٹا ہونے کی وجہ سے اعظم خان کی پرفارمنس کا موازانہ کرتے دکھائی دیے وہیں اکثر ان کی فٹنس سے بھی ناخوش نظر آئے۔

 

جہاں ٹوئٹر صارفین ان کے وزن اور فٹنس پر گفتگو کرتے نظر آئے وہیں اکثر صارفین ان کو سکواڈ میں شامل کرنے کی وجہ بھی تلاش کرتے رہے۔

ٹوئٹر صارف رجب نے لکھا کہ ’میں اعظم خان کے وزن اور قد کا مذاق نہیں اڑانا چاہتا مگر حیران ہوں کہ انہیں کس بنیاد پر سکواڈ میں شامل کیا گیا ؟ مجھے گوگل سے بھی کوئی خاص معلومات نہیں ملیں۔‘

انگلینڈ کے خلاف کھیلے جانے والے میچ میں پاکستان کی جانب سے محمد رضوان 37 رنز بنا کر نمایاں رہے۔ جبکہ بابر اعظم نے 22، عماد وسیم نے 20 اور شاداب خان نے 36 رنز سکور کیے۔ اعظم خان اس میچ میں چار گیندوں پر ایک رنز بنا کر آؤٹ ہوئے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More