اداکار ٹام کروز نے اپنے چہرے کی سرجری کروالی؟ مداح حیران

بول نیوز  |  Oct 14, 2021

ہالی ووڈ اسٹار ٹام کروز نئی تصاویر میں بہت بدلے ہوئے نظر آرہے ہیں ۔

اداکار جب بیس بال کا ایک میچ دیکھنے کے لئے آئے تو شائقین ان کو دیکھ کر دنگ رہ گئے کیونکہ انہیں پہچاننا بہت ہی مشکل تھا ۔

ایک رپورٹ کے مطابق معروف مصنف مولی نائٹ نے مائیکرو بلاگنگ ویب سائٹ ٹوئٹر پر ٹام کروز کے بارے میں سوال کرتے ہوئے پوچھا کہ کیا واقعی سین فرانسسکو میں ہونے والی تقریب میں اداکار کو ہی دیکھا گیا تھا۔

تصاویر دیکھنے کے بعد بین الاقوامی میڈیا پر یہ خبریں گردش کررہی ہیں کہ ممکن ہے کہ انہوں نے کوئی سرجری کروائی ہے۔

ٹام کروز کی سرجری ہونے کے بارے میں خبریں پھیلنے کے بعد برطانوی جریدے نے ان خبروں کی تصدیق کرنے کے لئے اداکار کے ڈاکٹر سے رابطہ کیا تھا ۔

ڈاکٹر ایلس ہینشا نے بتایا کہ ٹام کروز کے چہرے کی سرجری ہوئی ہے اور انکا چہرہ اس سرجری کی بعد آنے والی سوجن کی وجہ سے پہچانا نہیں جارہا۔

واضح رہے کہ حال ہی میں ٹام کروز نے اپنی فلم مشن امپاسبل 7 کی شوٹنگ مکمل کی ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More