سندھ میں پبلک ٹرانسپورٹ کے کرایوں میں اضافہ ہو گا یا نہیں؟ اہم بیان سامنے آگیا

بول نیوز  |  Oct 17, 2021

سندھ کے صوبائی وزیرٹرانسپورٹ اویس قادر شاہ کا پبلک ٹرانسپورٹ کرایوں میں اضافہ پر بیان سامنے آ گیا ہے۔

تفصیلات کے مطابق وزیر ٹرانسپورٹ سندھ اویس قادر شاہ کا کہنا ہےکہ پیٹرول نالائق حکومت نے مہنگا کیاہے عوام نے نہیں، کرایوں میں اضافہ کسی ٹرانسپورٹرزکو نہیں کرنے دیں گے۔

اویس قادر شاہ کا کہنا ہےکہ پیٹرول کی قیمتیں بڑھنے کی وجہ سے پبلک ٹرانسپورٹ کے کرایوں میں اضافہ کرنے والے ٹرانسپورٹرز کے خلاف افسران کارروائی کریں۔

وزیر ٹرانسپورٹ سندھ کا کہنا ہےکہ پیٹرول کی قیمت 90 روپے تک ہونی چاہیےمگرحکومت بنی گالا کے کچن کا خرچہ بھی عوام کے جیب سے نکال کررہی ہے، دنیا میں اتنی کہیں بھی مہنگا ئی نہیں جتنی نئے پاکستان میں ہے۔

ان کا کہنا ہے کہ وزیراعظم عمران خان کی حکومت پہلے امپائر کی انگلی کے اشاروں سے چلتی تھی اب جادو ٹونوں سے چل رہی ہے۔

صوبائی وزیر نے کہ مہنگائی کی وجہ سے غریب خودکشیاں کررہےہیں، بیروزگاری میں اضافہ ہوتا جارہا ہے، آئے روزحکومت عوام کو مہنگائی کی سوئیاں لگارہی ہے، اب وقت آگیاہےکہ عوام بھی اس حکومت کوبنی گالاجاکرایک سوئی لگائے۔

سندھ کے صوبائی وزیرٹرانسپورٹ اویس قادر شاہ نے مزید کہاکہ عوام سے لیا جانے والا ٹیکس کہاں جارہا ہے، آئی ایم ایف سے لیا قرضہ کہاں خرچ ہورہا ہے،حکومت جواب دے۔

دوسری جانب وفاقی وزیر داخلہ شیخ رشید کا کہنا ہے کہ مہنگائی پر قابو پانے کی پوری کوشش کریں گے۔

شیخ رشید احمد کا کہنا ہےکہ اس میں کوئی شک نہیں مہنگائی ہوئی ہے، دنیا میں آئل کی قیمتیں بڑھیں، پاکستان بھی اس کی زد میں آیا، مہنگائی پر قابو پانے کی پوری کوشش کریں گے۔

 وفاقی وزیر داخلہ شیخ رشید نے اسلام آباد میں میڈیا سے گفتگو کرتے ہوئے کہا کہ ادارے کے سربراہ کا نام لینا مریم نواز کی کم عقلی ہے، فوج کو دھوبی گھاٹ اورچوک چوراہوں میں ڈسکس نہیں کرتے، ڈسکس کریں گے توسیاست میں بھی آپ کے ساتھ دھوبی گاٹ والا سلوک ہوگا۔

وزیر داخلہ نے کہا کہ ہم حالات کا خندہ پیشانی سے سامنا کررہے ہیں، وزیراعظم عمران خان خوش قسمت ہیں انہیں نالائق اپوزیشن ملی، عمران خان کہیں نہیں جارہے، مدت پوری کریں گے، کوئی کسی غلط فہمی میں نہ رہے، عمران خان 5 سال پورے کریں گے۔

وفاقی وزیر داخلہ شیخ رشید نے مزید کہا ہے کہ نواز شریف پلان کر کے لندن گئے وہاں خون کےآنسو رونے کی ضرورت نہیں، مریم نواز کی تقریر سےعمران خان کا نام نکال دیا جائے تو اس میں کیا تھا؟

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More