برطانیہ میں پاکستانی ہائی کمشنر نے آئی ایم او کے سیکریٹری جنرل کو مستقل نمائندہ اسناد پیش کیں

بول نیوز  |  Nov 26, 2021

 برطانیہ میں تعینات  پاکستانی ہائی کمشنر معظم احمد خان نے 25 نومبر 2021 کو لندن میں آئی ایم او ہیڈ کوارٹرز میں انٹرنیشنل میری ٹائم آرگنائزیشن (آئی ایم او) کو پاکستان کے مستقل نمائندے کے طور پر سیکرٹری جنرل Kitack Lim کو اپنی اسناد پیش کیں۔

ہائی کمشنر نے سیکرٹری جنرل کو میری ٹائم آپریشنز کے شعبے میں پاکستان کی جانب سے حاصل کیے گئے مختلف سنگ میلوں کے ساتھ ساتھ اقوام متحدہ کے پائیدار ترقی کے اہداف اور آئی ایم او کے مقاصد میں اس کے تعاون کے بارے میں آگاہ کیا۔

 انہوں نے سیکرٹری جنرل کو رواں سال دسمبر میں آئی ایم او کونسل کے 2022 اور 2023 کے دو سالہ انتخابات کے لیے پاکستان کی امیدواری کے بارے میں آگاہ کیا ۔

 سیکرٹری جنرل نے مختلف میری ٹائم معاملات پر اپنی بصیرت کا اظہار کیا اور آئی ایم او اور اس کے بنیادی مقاصد میں پاکستان کے تعاون کو سراہا۔

 اس موقع پر ہائی کمشنر نے آئی ایم او کے سیکرٹری جنرل کے ساتھ مل کر پاکستان نیشنل شپنگ کارپوریشن کی جانب سے آئی ایم او کی عمارت میں مستقل تصنیب کے لیے پیش کیے گئے جہاز ایم ٹی کراچی کے ماڈل کی نقاب کشائی کی۔

 سیکرٹری جنرل کی طرف سے ماڈل کو بہت سراہا گیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More