ریاض سیزن میں بالی وڈ سٹار سلمان خان 10 دسمبر کو فن کا مظاہرہ کریں گے

اردو نیوز  |  Nov 27, 2021

سعودی محکمہ تفریحات نے کہا ہے کہ ریاض سیزن میں بالی وڈ سٹار سلمان خان 10 دسمبر کو اپنے فن کا مظاہرہ کریں گے،اس کے ٹکٹ جلد جاری کیے جائیں گے۔

العربیہ نیٹ کے مطابق بالی وڈ سٹار سلمان خان کا شمار مقبول اداکاروں میں ہوتا ہے۔ شائقین انہیں ’سلمان بھائی‘ کہتے ہیں اور یہ اعزاز انڈیا کے کسی اور اداکار کو حاصل نہیں ہے۔

55 سالہ بالی وڈ سٹار نے فلمی کیریئر کا آغاز 1988 میں کیا تھا۔ وہ اب تک 107 فلموں میں کام کر چکے ہیں۔

ان میں باڈی گارڈ، دبنگ اور ایک تھا ٹائیگر ان کی مقبول فلموں میں شامل ہیں۔

ریاض سیزن میں 7500 پروگرام ہو رہے ہیں۔ ان میں 70عرب کنسٹرٹ 6 انٹنیشنل کنٹسرٹ انٹرنیشنل شوز اور 350 تھیٹر شامل ہیں۔

محکمہ تفریحات کے سربراہ ترکی آل شیخ نے بھی اپنے ٹوئٹر اکاونٹ پرریاض سیزن میں بالی وڈ اداکار سلمان خان کے پرواگرام کے حوالے سے ٹویٹ کی ہے۔

ان کا کہنا ہے کہ ریاض سیزن میں میوزک پروگرام دو فیصد سے زیادہ نہیں ہیں۔

علاوہ ازیں سفیر پاکستان لیفٹننٹ جنرل ( ریٹائرڈ) بلال اکبر نے سعودی محکمہ تفریحات کے سربراہ ترکی آل شیخ سے ملاقات کی ہے۔ 

سفارتی ذرائع کا کہنا ہے کہ’ سفیر پاکستان نے ریاض سیزن میں پاکستان ایونٹ کے حوالے سے سفارشات دی ہیں۔ توقع ہے کہ ریاض سیزن میں پاکستانی فنکار بھی اپنے فن کا مظاہرہ کریں گے‘۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More