سوتی دھاگہ اور سوتی ملبوسات کی پیداوار میں اضافے کا رجحان

بول نیوز  |  Nov 27, 2021

ملک میں سوتی دھاگہ اور سوتی ملبوسات کی پیداوار میں جاری مالی سال کی پہلی سہ ماہی میں عمومی اضافے کا رجحان دیکھا گیا ہے۔

پاکستان بیورو برائے شماریات کے اعدادوشمار کے مطابق مالی سال کی پہلی سہ ماہی میں ملک میں سوتی دھاگے کی پیداوار میں سالانہ بنیادوں پر 0.85 فیصد اور ستمبر کے مہینے میں ماہانہ بنیادوں پر 0.95 فیصد اضافہ ہوا، اسی طرح سوتی ملبوسات کی پیداوار میں سالانہ بنیادوں پر 0.40 فیصد اور ستمبر میں ماہانہ بنیادوں پر 0.21 فیصد کااضافہ ریکارڈ کیا گیا۔

اعداد وشمار کے مطابق پہلی سہ ماہی میں ملک میں سوتی دھاگہ 864200 ٹن سوتی دھاگہ کی پیداوار ریکارڈ کی گئی ۔

گزشتہ مالی سال کی پہلی سہ ماہی میں ملک میں 856940 ٹن سوتی دھاگہ کی پیداوار ریکارڈ کی گئی تھی، ستمبر میں ملک میں 288075 ٹن سوتی دھاگہ کی پیداوار ریکارڈ کی گئی جو گزشتہ سال ستمبر کے مقابلہ میں 0.95 فیصد زیادہ ہے، گزشتہ سال ستمبر میں ملک میں 285375 ٹن سوتی دھاگہ کی پیداوار ریکارڈ کی گئی تھی۔

اعدادوشمار کے مطابق مالی سال کی پہلی سہ ماہی میں ملک میں 262620000 مربع میٹر سوتی ملبوسات کی پیداوار ریکارڈ کی گئی جو گزشتہ مالی سال کے اسی عرصہ کے مقابلہ میں 0.40 فیصد زیادہ ہے۔

گزشتہ سال کی اسی مدت میں ملک میں 261567000 مربع میٹر سوتی ملبوسات کی پیداوار ریکارڈکی گئی تھی، ستمبر میں ملک میں 87510000 مربع میٹر سوتی ملبوسات کی پیداوار ہوئی، گزشتہ سال ستمبر میں 87330000 مربع میٹر تھا۔

واضح رہے کہ جاری مالی سال کی پہلی سہ میں ملک میں بڑی صنعتوں کی پیداوار سالانہ بنیادوں پر 5.15 فیصداور ستمبر کے مہینہ میں ماہانہ بنیادوں پر 1.19 فیصد کی نمو ریکارڈ کی گئی ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More