بحیثیت اپوزیشن لیڈر میری یہ ذمہ داری ہے کے عوام تک حقائق پہنچاؤں ، حلیم عادل شیخ

بول نیوز  |  Dec 07, 2021

حلیم عادل شیخ نے کہا ہے کہ بحیثیت اپوزیشن لیڈر میری یہ ذمہ داری ہے کے عوام تک حقائق پہنچاؤں۔

اپوزیشن لیڈر سندھ اسمبلی حلیم عادل شیخ نے میڈیا سے گفتگو کرتے ہوئے کہا ہے کہ بل پاس ہوتے ہیں ان میں اس طرح کی انگریزی لکھی ہوتی ہے جو عوام تک پہنچ نہیں پاتی۔

انہوں نے کہا کہ یہ سرداری اور جاگیردارنہ نظام جو لائے ہیں وہ چور دروازے سے لے کر آئے ہیں ، بل لانے کا طریقہ ہوتا ہے کہ پہلے اس کو انکروڈکشن کیا جاتا ہے پھر اس پر غور ہوتاہے ، یہ چوروں کا بلدیاتی ترمیمی  بل لے کر آئے ہیں۔

 اپوزیشن لیڈر سندھ اسمبلی حلیم عادل شیخ نے کہا ہے کہ سندھ کے حقوق پر ڈاکہ ڈالا گیا ، ہمیں بل پڑھنے بھی نہیں دیا گیا اور پاس کردیا گیا ، آج افسوس ہوررہا ہے کے اس سے تو ڈکٹیٹرز کا نظام اچھا تھا۔

حلیم عادل شیخ نے کہا کہ میئر کے اختیار بھی چھین لیے گئے ، اس بل سے کافی ادارے بلدیا سے چھین لیے گئے ، بلدیاتی نظام نچلی سطح تک منتقلی کو یقینی بنانے کا کہتا ہے ، ہیلتھ ، تعلیم کے اداروں سے کافی اختیار اس بل کے تحت لے لیا گیا ہے ، ہر اختیار صوبائی وزیر نے اپنے نام کردیا ہے۔

انہوں نے کہا کہ ٹیکس ، پانی کا اختیار بھی لے لیا گیا ، دیہی شہری کا فرق بھی ختم کردیا گیا ، یہ نظام وڈیروں کے لیے ہے ، اس کی شدید مذمت کرتے ہیں ، کوئی عام شخص چیئرمین اور میئر نہیں بن سکتا کیوں کے انہوں نے اس بل میں سارے اختیار وڈیروں کو دے دیے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More